Soomõ

Suomen tasavalta
Republiken Finland
Soome Vabariik
Soomõ Vabariik

Soomõ lipp Soomõ vapp'
Riigi tunnuslausõq: Maamme
Riigikiil'	soomõ kiil, roodsi kiil
Pääliin	Helsinki
President'	Niinistö Sauli
Pääministri	Rinne Antti
Suurus  - Kokko  - % vett	maailma maiõ hulgan 63 338 430,53 km² 9,4%
Rahva hulk  - Kokko (2005)  - Tihehüs	maailma maiõ hulgan 110. 5 244 858 17,1/km²
Hindäperi	6. joulukuu 1917
Raha	Õuro
Aovüü  - suvõaig	Hummogu-Õuruupa aig (UTC+2) Hummogu-Õuruupa suvõaig (UTC+3)
Riigihümn'	Maamme
Internetitunnus	.fi
Telefonikuud'	358

Soomõ Vabariik (soomõ keelen Suomen tasavalta, roodsi keelen Republiken Finland) om Õuruupa riik. Soomõl ommaq piiriq Roodsiga õdagu, Norraga põh'a ja Vinnemaaga hummogu puul. Soomõst üle Soomõ lahe lõunõhe jääs Eesti.

Soomõ pindala (maisõmaa ja siseviikogoq kokko) om 338 430,53 km². Üten merealloga om pindala 390 903,13 km². Soomõ pindala kasus umbõs 7 km² aastagan teno toolõ, et maisõmaa nõsõs. Pikuldõ om kõgõ suurõmb vaih Hangol ja Utsjoel (1157 km), lajuldõ Närpiö Töjbyl ja Ilomantsil (542 km).

Riigipiiri pikkus om 3940 km. Tuust 614 km om piir Roodsiga, 736 km piir Norraga, 1340 km piir Vinnemaaga ja 1250 km om viipiiri.

Poliitiga

Soomõ om parlamentaarnõ vabariik. Riigipää om president. President om Niinistö Sauli ja pääministri Sipilä Juha.

Luudus

Soomõ om üts maailma põh'apoolitsõmbit riike. Veeränd Soomõ alast om põh'apolaarjoonõ takan.

Soomõn om:

• 188 000 järve, mink suurus om 500 m² vai inämb,
• 56 000 järve, mink suurus om 1 ha vai inämb,
• 81 000 meresaart, mink suurus om 100 m² vai inämb,
• 98 000 saart sise viikogodõn.

Pielineni järv Koli riigipargin

Soomõ kõgõ pikemb jõgi om Kemijoki (483 km). Kõgõ korgõmb mägi om Halti (1324 m).

Valitsõmisjaotus

Soomõn om viis lääni (inne 1997. aastakka oll' 12 lääni) ja üts autonuumnõ maakund.

• Lõuna-Soomõ lään (Etelä-Suomen lääni)
• Õdagu-Soomõ lään (Länsi-Suomen lääni)
• Hummogu-Soomõ lään (Itä-Suomen lääni)
• Oulu lään (Oulun lääni)
• Lapimaa lään (Lapin lääni)
• Ahunamaa maakund (Ahvenanmaan maakunta)

Majandus

Tähtsämbäq majandusharoq ommaq puu- ja metälitüüstüs, telekommunikats'uun ja eelektririisto tuutminõ.

Soomõ majandusõ lipulaiv om olnuq Nokia.

Rahvastik

Soomõn eläs päält 5 400 000 inemise. 2011. a. sündü Soomõn 59 960 last. Sündü 9520 inemist inämb ku kuuli.

Kultuur

Soomõn eläs Jouluvana (Joulupukki).

Välislingiq

• Finlandlive.info - Finland Travel Forum