Himmakülä

Läteq: Wikipedia
Jump to navigation Jump to search

Himmakülä

Elänikke: 116 (31. joulukuu 2011)[1]


Himmakülä
Voromaa kihlkunnaq.jpg

Himmakülä om külä Põlva kihlkunnan Laheda vallan Võro-Põlva tii veeren (Põlvahe 8 km, Võrolõ 17 km). Külän om paarkümmend elämist. Suurõmbalt jaolt jääs külä suurõsttiist hummogu poolõ. Himmaküläst põh'a poolõ jääs Lahokülä, hummogu poolõ Naruskikülä, lõuna poolõ Ortuskülä ja õdagu poolõ Vardja. Külä hummogupiiris om Peri uja. Külän om Sika tiiristi bussipiätüs. Himmaküläst käüdäs kuuli põhilidsõlt Vana-Koiolahõ ja Põlvahe, poodi mano Lemmikuhe ja tohtrõ mano Tilssi vai Põlvahe.

Aolugu[toimõndaq | toimõndaq lätteteksti]

Himmakülä om vähämbält paarsada aastakka vana. Kolhoosiaol oll' tan Koit-kolhoosi suurfarm (läts' käüki 1973), kon peeti lehmi, ja ehitedi 12 kortõriga nn. ütismaja. Viil 1980. aastagidõ lõpun ehit' kolhuus umilõ tüüliisile 10 üteperreelämist. Ku kolhoosiaig läbi sai, möi kolhuus suurfarmihuunõq maaha ja pääle tuud ommaq noin huunin olnu mitmõq puutüüfirmaq.

Midä kaiaq tasos[toimõndaq | toimõndaq lätteteksti]

Himmakülän olõ-i suurt midägi kaiaq.

Himmakülä

Kuulsambaq inemiseq[toimõndaq | toimõndaq lätteteksti]

Niinimetet ütismajan om latsõn mõnõ aastaga elänüq modell ja Eesti Malõliido president Kassi Carmen.

Kaeq viil[toimõndaq | toimõndaq lätteteksti]

  • Eesti 2011. aasta rahvaloendus, vaadatud 14. hainakuu 2014