Mine sisu juurde

Säässaarõ

Läteq: Wikipedia

Säässaarõ

Pindala: 20,4 km² (2020)[1]
Elänikke: 54 (1. vahtsõaastakuu 2020)[2]


Säässaarõ


Säässaarõ om külä Põlva kihlkunnan Põlva vallan.

Säässaarõ õdagupiiris om Ah'a jõgi, mink kaldõq ommaq kaitsõ alaq võeduq, selle et sääl kasus käpälilliline Dactylorhiza fuchsii. Ah'a jõõst hummogu poolõ jääs Peräsuu. Säässaarõst põh'a poolõ jääseq Viisli külä mõtsaq ja suuq, hummogu poolõ Mooste. Lõunõ poolõ jääseq Eostõ ja Adistõ.

Säässaarõ piire põh'ajaon om Vahtsõmõisa, miä om üte jaoga ka Viisli külä piire seen. Vahtsõmõisa om olnuq eräle külä, miä 1977. aastaga Säässaarõ alaq panti. Inne 2017. aastaga Eesti umavalitsuisi tallituspüürdmist käve Säässaarõ Moostõ valda.

Säässaarõst lätt läbi Himmastõ–Rasina tii. Eostõ puult tullaq om tii veeren om vähämbält kolm rühmä ristipuid. Vähämbält kats ristipedäjät ommaq tii lähkün õkva Säässaarõ külä piiri pääl[3][4]. Edesi minnäq om vähämbält üts ristipetäi[5] kuvvõ kääpägaq kääbäskalmuaia[6] man. Säält viil pia kilomiitre edesi om vähämbält neli ristipedäjät[7][8][9][10]. Neist viil nii 800 miitret tiid piten põh'a poolõ jääs viil terveq rühm ristipuid – neli pedäjät ja kuus[11].

Peräsuun om Lahojärv, miä om hoitala[12].

2020. aastaga alostusõn elli Säässaarõn 54 inemist.

  1. Maa- ja Ruumiamet, vaadatud 21. märtekuu 2020
  2. Statistigaammõt, vaadatud 10. märtekuu 2020
  3. Säässaarõ ristipetäi 1 (622:RIP:016). Keskkunnaagõntuur. Pruugit 3. radokuu pääväl 2025.
  4. Säässaarõ ristipetäi (622:RIP:040). Keskkunnaagõntuur. Pruugit 3. radokuu pääväl 2025.
  5. Säässaarõ ristipetäi 2 (622:RIP:041). Keskkunnaagõntuur. Pruugit 3. radokuu pääväl 2025.
  6. 11171 Kääbas. Kultuurimälehtüisi registri. Pruugit 3. radokuu pääväl 2025.
  7. Säässaarõ ristipetäi 3 (622:RIP:015). Keskkunnaagõntuur. Pruugit 3. radokuu pääväl 2025.
  8. Säässaarõ ristipetäi 4 (622:RIP:089). Keskkunnaagõntuur. Pruugit 3. radokuu pääväl 2025.
  9. Säässaarõ ristipetäi 5 (622:RIP:090). Keskkunnaagõntuur. Pruugit 3. radokuu pääväl 2025.
  10. Säässaarõ ristipetäi 6 (622:RIP:043). Keskkunnaagõntuur. Pruugit 3. radokuu pääväl 2025.
  11. Säässaarõ ristipuuq (622:RIP:014). Keskkunnaagõntuur. Pruugit 3. radokuu pääväl 2025.
  12. Lahojärve hoitala. Keskkunnaväreht. Pruugit 3. radokuu pääväl 2025.


Põlva vald

Liin: Põlva

Alõviguq: Ah'a, Mooste, Vahtsõ-Kuustõ.

Küläq: Aarna, Adistõ, Akste, Andre, Eostõ, Himma, Himmastõ, Holvandi, Ibastõ, Jaanimõisa, Joosu, Kaaru, Kadaja, Kanasaarõ, Karilatsi, Kastmõkua, Kauksi, Kiidjärve, Kiisakülä, Kiuma, Koiolakülä, Kuurvere, Kosova, Kähri, Kärsä, Lahe, Lahokülä, Leevi, Logina, Loko, Luutvina, Lutsu, Mamastõ, Meemaskülä, Mõtstõ, Miiastõ, Mustajõõ, Mustakurmu, Mõtskülä, Naruskikülä, Noorits-Mõtskülä, Nabakülä, Padari, Pardsi, Peri, Puskaru, Puuri, Rasina, Roosi, Rosma, Savimäe, Soesaarõ, Suurkülä, Suurõmõtsa, S'akna, Säässaarõ, Taivaskua, Terepi, Tilsi, Trompsi, Tännässilmä, Uibumõisa, Valgimõtsa, Valgesuu, Vana-Koiola, Vanakülä, Vanamõisa, Vardja, Viisli, Voorekülä