Kiuma

Kiuma

Pindala: 7,9 km² (2020) Elänikke: 79 (1. vahtsõaastakuu 2020) koordinaadiq: 58°2' N 26°57' E

Kiuma vai Kioma om külä Põlva kihlkunnan Põlva valla õdaguosan. Kiuma om põh'a puul kõrvu Aarnaga, hummogun Tännässilmä ja Kähri küläga, lõunõn Puskaruga, õdagun Kanepi valla Ihamaru küläga ja Kanepi valla Varbusõ küläga. Kiuma külä õdagupiir lätt suurõman osan müüdä Ahja jõkõ. Maakunna ja valla keskustõ Põlvahe om 6 kilometrit maad.

2020. aastaga alostusõn elli Kiuman 79 inemist.

Aolugu

Kiuma külä aolugu om köüdet Kiuma mõisaga, midä om edimäst kõrda nimmat 1495. aastagal (Küemahe). Inneskidse Kiuma mõisa süä om sõskiq täämbädsen Aarna külän. Perän valdo tegemist 1866. aastagal oll' külä Kioma valla kuunsaison 1939. aastagani, a pääle 1939. aastaga valdo ümbremuutmist oll' Põlva valla kuunsaison. 1939. aastagani oll' külä ammõtlinõ nimi Kioma. Päält külänõvvukogo tegemist oll' Kiuma 1945. aastagast pääle Kioma külänõvvukogo keskus. 1950. aastaga säädüsega kaotõdi ärq Põlva vald ja Kioma külänõvvukogo maa arvati Põlva rajooni ala. 1954. aastaga kaotõdi Kioma kulänõvvukogo ärq ja tuu maa pandi ammõtlidsõlt kokko Põlva külänõvvukogoga. Sinnäq jäi seo 1991. aastagani. Säält pääle om Kiuma Põlva valla jago.

Kultuur

Külä põh'aõdaguosan om mitu kääbäst, miä ommaq ku arkeoloogia mälehtüseq kaitsmisõ all. Külän om Kiuma rahvamaja ja Kiuma raamadukogo. Kah om Kiuma külän sündünüq keeletiidläne Liiva Heino.

Kaeq viil

• Põlva kihlkunna küläq

Lätteq

Põlva vald
Liin: Põlva
Alõviguq: Ah'a, Mooste, Vahtsõ-Kuustõ.
Küläq: Aarna, Adistõ, Akste, Andre, Eostõ, Himma, Himmastõ, Holvandi, Ibastõ, Jaanimõisa, Joosu, Kaaru, Kadaja, Kanasaarõ, Karilatsi, Kastmõkua, Kauksi, Kiidjärve, Kiisakülä, Kiuma, Koiolakülä, Kuurvere, Kosova, Kähri, Kärsä, Lahe, Lahokülä, Leevi, Logina, Loko, Luutvina, Lutsu, Mamastõ, Meemaskülä, Mõtstõ, Miiastõ, Mustajõõ, Mustakurmu, Mõtskülä, Naruskikülä, Noorits-Mõtskülä, Nabakülä, Padari, Pardsi, Peri, Puskaru, Puuri, Rasina, Roosi, Rosma, Savimäe, Soesaarõ, Suurkülä, Suurõmõtsa, S'akna, Säässaarõ, Taivaskua, Terepi, Tilsi, Trompsi, Tännässilmä, Uibumõisa, Valgimõtsa, Valgesuu, Vana-Koiola, Vanakülä, Vanamõisa, Vardja, Viisli, Voorekülä