EURO 2024
Jalgpalli Õuruupa meistrevõistlusõq 2024 (inglüse keelen UEFA Euro 2024) ommaq 17. jalgpalli miihi Õuruupa meistrevõistlusõq, miä peetäseq 2024. aastaga 14. piimäkuu pääväst 15. hainakuu pääväniq S'aksamaal.
Neoq võistlusõq ommaq aoluun kolmas kõrd, ku mänge peetäs S'aksamaal. 1988. aastaga peetiq mängoq Õdagu-S'aksamaal, 2020. aastaga mängest, miä mängiti üle Õuruupa, peetiq S'aksamaal neli tükkü. Mängoq peetäseq kümnen liinan: Kölnin, Münchenin, Frankfurdin, Hamburgin, Dortmundin, Leipzigin, Gelsenkirchenin, Stuttgardin, Düsseldorfin ja Berliinin, viimätsen peetäs ka finaal.
Umma tiitlit vai Õuruupa meistre avvunimme kaits Itaalia, kiä võit 2021. aastaga peetü võistlusõ.
Võistkunnaq[toimõndaq | toimõndaq lätteteksti]
Meistevõistluisil mängväq 24 riigi vai maa võistkunnaq: kõrraldajariik S'aksamaa ja viil Belgiä, Prantsusmaa, Portugal, Sotimaa, Hispaania, Türgü, Austria, Inglüsmaa, Ungari, Slovakkia, Albaania, Taani, Holland, Rumeeniä, Sveits, Itaalia, Sloveeniä, Horvaatia, Gruusia, Ukraina, Poola.
Neist riigest om Gruusia Õuruupa meistrevõistluisil edimäist kõrda. Kooniq 2024. aastaga võistluisini om meistrevõistluisi alostusõst, 1960. aastagast pääle olnuq egä kõrd vähämbält üts riik, kiä varrampa ei olõq võistluisilõ päsenüq.
Suurist nimist ja kõvust miiskunnõst jalgpallin ommaq puuduq Roodsi, Kõmrimaa ja Vinnemaa. Ku edimädseq kats saiq umaq mängoq päähä, siis Vinnemaal keeleti ossavõtminõ ärq sõaga Ukrainalõ pääleminegi peräst.