Köln
| Köln | |
 Liinakaehus Reini jõõ päält |
|
|---|---|
| Riik: S'aksamaa | |
| Suurus: 405,15 km² | |
| Elänikke: 1 084 831 (31.12.2022) | |
| koordinaadiq: 50°56′ 11 6°57′ 10 |
Köln (paigapäälitsen s'aksa murdõn Kölle) om S'aksamaa liin ja Nordrhein-Westfaleni liidomaa kõgõ suurõmb liin Reini jõõ veeren.
Liina pindala, ku jättäq ümbrekaodsõq liinaq rehkendämäldäq, om 405,15 km2 ja 2022. aastaga lõpun elli sääl 1 084 831 inemist.
Keskaignõ Kölni tuumkerik oll' 1880–1890 maailma kõgõ korgõmb ehitüs ja om üts tunnõtumpi huunit kõgõ ilma pääl.
Kölni liinast om peri Eau de Cologne – odekolonn vai kölnivesi.
Tõõnõ ilmasõda
[toimõndaq | toimõndaq lätteteksti]
Tõõsõ ilmasõa aigo sai Köln kõvva pihta. Liitlasriigiq pilsõq Kölni pääle 44 923,2 tonni pommõ, miä häödiq 61% Kölni linast. Ülepää pommitõdi Kölni tõõsõ ilmasõa aigo linnukidõ päält 262 kõrda, tuu peräst kuuli 20 000 lihtinemist.
Sõa lõpus oll' liina rahvast alalõ õnnõ 5%, suurõmb jago inemiisi viidi ärq maalõ vai saiq nääq pommõ all surma. Kuiki joba 1945. aastaga lõpus oll' liinan jälq 450 000 inemist, sis inne sõta Kölnin elänü 11 000 juuti tapiq vai kiududiq natsiq ärq. Sõan hävvüq ka kõik kuus sünagoogi.