Kalda Kaja
| Kalda Kaja
Kaja Kallas | |
|---|---|
.jpg) | |
| Sündünüq | 18. piimäkuu päiv 1977 Talliin |
| Kodakondsus | eesti |
| Haridus | Tarto Ülikuul, Estonian Business School |
| Ammõt | pääministri, Riigikogo liigõq, parlamendi liigõq |
| Iinkäüjä | Ratta Jüri |
| Abikaasa | Halliku Arvo |
| Latsõq | 1 |
Kalda Kaja (sündünüq 18. piimäkuu pääväl 1977 Tal'nan) om Eesti poliitik, 26. vahtsõaastakuu pääväst 2021 Eesti Vabariigi pääministri, 14. mahlakuu pääväst 2018 Reformieräkunna edemiis.[1]
Kallas oll' XII Riigikogo liigõq ni majanduskomisjoni edemiis 2011–2014 ja Õuruupa Parlamendin 2014–2018.
Poliitiga
[toimõndaq | toimõndaq lätteteksti]Kalda Kaja ast Rosimannusõ Raini hääskitmisega 2010. aastagal Reformieräkunda ja sai 2011. aastaga valimiisil 7157 hellü ni isikumandaadi.[2]
2013. aastagal sai timäst Reformieräkunna asõedemiis.[3]
2014. aastaga Õuruupa Parlamendi valimiisil sai Kallas 21 504 hellüga valitus kuun Ansipi Andrusõ, Tarandi Indreku, Lauristini Marju, Toomõ Yana ja Kelami Tunnõga.[4]
Õuruupa Parlamendil olliq Kalda töis Õuruupa Liido ni Ukraina suhtõq, digitaalnõ ütine turg ja energiä- ni tarbijapoliitiga. Tä oll' Õuruupa Liido-Ukraina parlamentaarsõ kuuntüükomisjoni (D-UA) asõedemiis, oll' tüüstuse, tiidüsuurmiisi ja jovvumajandusõ komisjonin (ITRE) ni Euronesti parlamentaarsõn täüskogon (DEPA).Tä oll' siseturu- ja ostjakaitsõkomisjoni (IMCO) ni Ameeriga Ütisriikega läbikäümiskomisjoni (D-US) asõmõlõ pant liigõq. Lisas oll' Kallas Õuruupa Parlamendi digitaalsõ agenda tüürühmän ja oll' nuuri tüürühmä asõedemiis.
2017. aasta sügüse vali poliitigaaokiri Politico Kalda ütes Brüsseli tähtsämbäs naasõs.[5] 2017. aastaga urbõkuun kirot' VoteWatch, et Kallas oll' digi- ja telekommunikatsioonipoliitiga valdkunnan mõukusõlt kuvvõs saadik.[6]
2018. aastaga märtekuun tull' vällä Kalda raamat "MEP. 4 aastakka Õuruupa Parlamendin", kon tä kõnõlõs uma elost ja tüüst Brüsselin.[7]
2019. aastaga urbõkuu XIV Riigikogo valimiisil saiõq Kallas ni Reformieräkund kõgõ rohkõmb helle[8], selle nimmas president Kaljulaiu Kersti pääministrikandidaadis Kalda[9]. Valitsusliido teiq hoobis Keskeräkund, Esämaa ja EKRE ja pääministris sai Ratta Jüri.[10]
14. vahtsõaastakuu pääväl 2021 tekk' president Kaljulaid Kaldalõ ettepaneki järgmäne Eesti valitsus kokko pandaq.[11] 25. vahtsõaastakuu pääväl and' Riigikogo Kaldalõ volitusõq vahtsõ valitsusõ kokkopanõkis.[12] Kallas ütel', et vahtsõl valitsusõl om vaia üle saiaq nelläst kriisist: COVID–19, väärtüisi kriisist, majanduskriisist ni korruptsioonist.[13] 26. vahtsõaastakuu pääväl and' Kalda Kaja amõtivandõ ni timäst sai Eesti Vabariigi edimäne naispääministri. Edimäne ministrin külänkäük vällämaalõ oll' 19. radokuu pääväl 2021, ku Kallas sõit' Suumõ pääministri Marini Sanna ja presidendi Niinistö Sauliga kokko saama.[14]
Päält Vinnemaa sõta Ukrainan om Kalda Kajja pall'o riikevaihõlitsõn meediän tähele pantuq, timmä om kutsut ka vahtsõs Ravvatsõs Leedis[15][16]. Tä om ütelnüq, et Õdagumaaq ei toheq Vinnemaale perrä andaq
Uma elo
[toimõndaq | toimõndaq lätteteksti]Kalda Kaja esä om inneskine Reformieräkunna edemiis ja Eesti pääministri 2002–2003 Kalda Siim. Kajal om veli Ülo.
2011. aastagast elli üten Veskimäe Taaviga, 8. märtekuu pääväl 2011 sündü näil poig Sten. 2014. aastagal lätsiq nä lakja.[17]
14. süküskuu pääväl 2018 läts Kallas mehele Halliku Arvolõ.[18]
Kallas mõist pääle eesti keele ka inglüse, soomõ, prantsusõ ja vinne kiilt.[19]
Tälle miildüseq viil golf, suusataminõ, trullsõit, mõistatusõq ja aolugu.[20]
Haridus
[toimõndaq | toimõndaq lätteteksti]2009–2010 Estonian Business School, EMBA
2007– Estonian Business School, MBA
1995–1999 Tarto Ülikuul, õigustiidüskund, BA
1992–1995 Talliina 7. Keskkuul (Inglüse Kollõdž), keskharidus
1984–1992 Talliina Lillekülä Gümnaasium, põhiharidus[21]
Karjäär
[toimõndaq | toimõndaq lätteteksti]2018 – Reformieräkunna edemiis
2014–2018 Õuruupa Parlament, saadik
2011–2014 XII Riigikogo liigõq, majanduskomisjoni edemiis
2010–2014 EBS Juhtimiskoolituskeskus, õppõjõud
2008–2011 Ahvokaadibüroo Luiga Mody Hääl Borenius, konkurentsiõigusõ osakunna juht, partner
2009–2010 MTÜ Eesti Tuulõenergiä Assotsiatsiuun, juhatusõ liigõq
2008–2010 OÜ 4E Tehnoinvest, nõvvokogo liigõq
2008–2010 OÜ Biofond, nõvvokogo liigõq
2008 OÜ Nelja Energia, juhatusõ liigõq
2008–2010 OÜ Roheline Ring Tuulepargid, nõvvokogo liigõq
2008–2010 OÜ Tooma Tuulepark, nõvvokogo liigõq
2008–2010 OÜ Paldiski Tuulepark, nõvvokogo liigõq
2007–2010 OÜ Hiiumaa Offshore Tuulepark, nõvvokogo liigõq
2006–2008 Ahvokaadibüroo Luiga Mody Hääl Borenius, vandõahvokaat
2004–2006 Ahvokaadibüroo Tark & Co, partner, vandõahvokaat
2004–2010 OÜ Viru–Nigula Tuulõpark, nõvvokogo liigõq
2003–2010 OÜ Pakri Tuulõpark, nõvvokogo liigõq
2003–2007 AS LHV–Seesam Varahaldus, nõvvokogo liigõq
2002–2006 Ahvokaadibüroo Tark & Co, vandõahvokaat
2003 (okt) Ahvokaadibüroo Hannes Snellmann, Helsingi, ahvokaat
1999–2002 Ahvokaadibüroo Tark & Co, ahvokaat
2001 (märts–aprill) ahvokaadibüroo Courtois Lébel, Pariis, ahvokaat
1998–1999 Ahvokaadibüroo Tark & Co, jurist
1997 (suvi) Ahvokaadibüroo Tark & Co, jurist
1996–1997 Tiatri Vanõmuinõ, tiatrijuhi nõunik[22]
Lätteq
[toimõndaq | toimõndaq lätteteksti]- ↑ https://kajakallas.ee/elulugu/karjaar/
- ↑ https://epl.delfi.ee/artikkel/51293051/kaja-kallas-pean-7157-valija-ootuste-oigustamiseks-kovasti-tood-tegema
- ↑ https://www.postimees.ee/1260072/kaja-kallas-sai-reformierakonna-neljandaks-aseesimeheks
- ↑ http://ep2014.vvk.ee/voting-results.html
- ↑ https://www.politico.eu/list/women-who-shape-brussels-2017-ranking/tech-titans/
- ↑ https://www.votewatch.eu/blog/powerful-but-divided-the-eu-parliamentarians-who-influence-digital-and-telecommunication-policy/
- ↑ https://www.goodreads.com/book/show/42956792-mep-4-aastat-euroopa-parlamendis
- ↑ https://poliitika.postimees.ee/6536473/riigikogu-valimisralli-voitsid-kindlalt-ja-ulekaalukalt-kaja-kallas-ja-reformierakond
- ↑ https://www.delfi.ee/news/paevauudised/eesti/delfi-fotod-president-kaljulaid-tegi-kaja-kallasele-ettepaneku-valitsuse-moodustamiseks?id=85821783
- ↑ https://www.err.ee/934718/juri-ratase-valitsus-andis-ametivande
- ↑ https://www.ohtuleht.ee/1023085/video-president-kaljulaid-teen-ettepaneku-moodustada-uus-valitsus-kaja-kallasele
- ↑ https://www.err.ee/1608085642/riigikogu-andis-kallasele-volitused-valitsuse-moodustamiseks
- ↑ https://epl.delfi.ee/artikkel/92361791/kaja-kallas-oleme-koielkondijad-kuristiku-kohal-peame-lahendama-neli-suurt-probleemi-neli-kriisi
- ↑ https://www.err.ee/1608116428/otse-kell-12-25-kallase-ja-marini-pressikonverents
- ↑ Crispi James: Õuruupa vahtsõnõ Ravvanõ Leedi ütles, et Õdagumaaq es tohtnuq Putinigaq kõnõldaq. The Telegraph 08.10.2022. Pruugit 13.03.2023. (inglüse keelen)
- ↑ Saxena Astha: Õuruupa vahtsõnõ Ravvanõ Leedi Kalda Kaja ütles, et terrorist Putiniga olõ-õiq vajja kõnõldaq. Express.co.uk 09.10.2022. Pruugit 13.10.2023. (inglüse keelen)
- ↑ https://www.elu24.ee/2834647/taavi-veskimagi-ja-kaja-kallas-teatasid-twitteris-lahkuminekust
- ↑ https://menu.err.ee/861640/galerii-kaja-kallas-abiellus
- ↑ https://kajakallas.ee/elulugu/keeleoskus/
- ↑ https://kajakallas.ee/elulugu/huvid/
- ↑ https://kajakallas.ee/elulugu/haridus/
- ↑ https://kajakallas.ee/elulugu/karjaar/
