Loksa
Loksa om liin Har'omaal Soomõ lahe veeren. Loksa om Eesti kõgõ põh'apoolitsõmb liin. Loksa suurus om 3,82 km2.[1]
Läbi liina juusk Valgõjõgi. Loksa liina ümbre om Lahemaa rahvuspark.
Rahvas[toimõndaq | toimõndaq lätteteksti]
Liinan eläs 3403 inemist. Suur jago Loksa inemiisist ommaq vindläseq, eestläisi om veidemb ku kolmandik rahvast.[2] Loksa elänikke om 1990. aastidõ alostusõst kõvastõ veidembäs jäänüq.
Aolugu[toimõndaq | toimõndaq lätteteksti]
Loksa nimi om tulnuq arvadaq sõnast loks, miä tähendäs madalat soist kotust, kuival aol ärqkuionut järve. Loksa oll' varrampa väiku kalamiihikülä. Külä maaq käveq Kolga mõisa alaq. Loksa sai alõvis 1948. aastagal, liinaõigusõq saiq 25. põimukuu pääväl 1993. aastagal. Edimäne koolimaja Loksal ehitedi 1875. aastagal.[3]