Kaljulaiu Kersti

Läteq: Wikipedia
Kaljulaiu Kersti

Kersti Kaljulaid


Sündünüq30. joulukuu päiv 1969
Tarton
Ammõt5. Eesti Vabariigi president 2016-2021
IinkäüjäIlvese Toomas Hendrik
PeräntulõjaKarisõ Alar
Kaljulaiu Kersti Tarto Ülikoolin
Kaljulaiu Kersti (2016)
Kersti Kaljulaid (2021)

Kaljulaiu Kersti (Kersti Kaljulaid; sündünüq 30. joulukuu pääväl 1969 Tarton) om Eesti poliitik, inneskine ärijuht ja ammõtnik, 20162021 Eesti Vabariigi president.

Kaljulaid om olnuq ärijuht ni Eesti ja Õuruupa Liido ammõtnik. Aastil 2004–2016 oll' tä Õuruupa Kontrollikua liigõq. 

Elolugu[toimõndaq | toimõndaq lätteteksti]

Kaljulaid lõpõt' aastagal 1987 Talliina 44. Keskkooli[1] Aastagal 1992 lõpõt' tä cum laude Tarto Ülikooli bioloogia ala pääl. Aastagal 2001 sai tä Tarto Ülikoolist kutsõmagistri kraadi (MBA) ärijuhtmisõn[2].

Aastil 1996–1999 tekk' tä müügijuhi ja projektijuhi tüüd ni tüüt' pangan.[3][4]

1999–2002 oll' Kaljulaid Eesti pääministri majandusnõvvoandja.[3]

Tä om ilmutanuq arvamislukõ aokirändüsen ni om Kuku raadio saatõ "Eurominutid"[5] autor ja saatõ "Keskpäevatund" üts tegijit.

Aastil 20012004 kuulu tä Esämaaliito[6], a valimiisist ossa es võtaq.[3]

2002–2004 oll' Eesti Energia AS-i Iru eelektrijaama direktri.[7]

2004–2016 oll' Kaljulaid Õuruupa Kontrollikua liigõq.[3] [8][9]

Kaljulaid om 2011. aastagast Tarto Ülikooli nõvvokogo edemiis.

2015. valiti tä Poliitigauurmiisi Keskusõ PRAXIS juhis, a asõndaja puudumisõ tõttu Õuruupa Kontrollikuan saa-as tä Praxise juhi ammõtihe astuq.[10][9]

2016 süküskuun valõ Riigikogo Kandsalei mano luud arõngu perräkaemisõ nõvvokoda Kaljulaiu umas edemehes.[11]

2016. aastaga Eesti presidendivalimiisil tekk' Riigikogo vanõmbidõkogo 27. süküskuu pääväl päält presidendi valimalda jäämist valimiskogon Kaljulaiu Kerstile ettepanõgi kandidiiriq Vabariigi Presidendis ja Riigikogo liikmilõ ettepanõgi säädäq Kaljulaid presidendikandidaadis.[12] 30. süküskuu pääväl 2016 säiki 90 Riigikogo liigõnd Kaljulaiu Kersti üles Vabariigi Presidendi kandidaadis[13] ja 3. rehekuu pääväl 2016 valiti Kaljulaiu Kersti Riigikogon 81 puulthelüga Eesti Vabariigi presidendis. [14] 2021. aastaga presidendivalimiisil Kaljulaidu tõõsõs ammõdiaos es valitaq.

11. rehekuu pääväl 2021 ütel' Kaljulaid uman lahkumiskõnnõn, et täl om hää miil, et Eesti om jäänüq truus 92. aastagal Põhisäädüiste kirotuilõ Lääne väärtüisile, sest õnnõ säändsen väärtüsruumin ommaq noorõq peri Eestin elämä.

Eräelo[toimõndaq | toimõndaq lätteteksti]

Edimädsest abielust om Kaljulaiul tütär ja poig. Kaljulaid om ka vanaimä[15].

Timä tõõnõ kaasa om aastagal 1991 Tallinna Polütehnilise Instituudi raadioinseneri ala pääl lõpõtanuq Georgi-Rene Maksimovski, näil om kats poiga.[16][17][18][19]

Kersti puulveli om Kaljulaiu Raimond[20].

Avvotasoq[toimõndaq | toimõndaq lätteteksti]

  • Aastaga õuruuplanõ 2009
  • Ütsmeele avvohind 2014

Lätteq[toimõndaq | toimõndaq lätteteksti]

Välislingiq[toimõndaq | toimõndaq lätteteksti]