Sintenisi Franz

Sintenisi Franz (Leopold Friedrich Franz Sintenis, sündünüq 27./15. põimukuu pääväl 1835 Altenin (Dessau); koolnuq 15./2. radokuu pääväl 1911 Ventspilsin (Kuramaa)) oll' filoluug ja mutigauurja, Krümmneri kooli oppaja ja viimäne juhataja. Timä esä oll' pastor, kiä oll' peri hugenottõ siäst. Nimi om arvadaq olnuq kunagi prantsusõ muudu Saint Denis. Franz käve koolin Dessaun ja Zerbstin, opsõ Bonni ja Berliini ülikoolin klassikalist filoloogiat ja germanistikat. 1858. aastagal tull' Krümmeri kuuli vanõmboppajas ja 1862–1866 oll' sääl juhataja.

Pääle Krümmeri asotusõ kinnipandmist oll' Sintenis Tarto Gümnaasiumin 1866–1888 s'aksa keele vanõmboppaja. Säält saadõti pensionilõ viletsä vinne keele tundmisõ peräst. Pääle tuud oll' eräoppaja tütärlatsikoolõn. Gümnaasiumi kõrvalt ja peräst oll' timä 1878–1908 Luudusõuurjidõ seldsi preparaator. Timä huvis olliq katsõsiivaga mutigaq ja libligaq, tä om noist pall'o ettekandit pidänüq ja kirotanuq.

Eräelost

Sintenisi Franzi naanõ oll' Põltsamaa pastori Hörschelmanni tütär Antonie' Julie Mathilde (1843–1914) (Laulatus vanna kallendri perrä 14. hainakuu pääväl 1861 Võrol).

Täl oll' viist last:

• Karoline Emilie (Spindler) (1862–1892);

• Elisabeth Amalie Caroline (Holst) (1863–1945);

• Franz Karl Hermann Sintenis (1866–1945), vaimulik ja luulõtaja;

• Johanna Wilhelmine Franzisk (Holst) (1868–1945);

• Emil Ewald Hermann Sintenis (1871–1931), oll' arst.

1908. aastagal läts' poja Emili mano Ventspilssi.

Matõt Riiga.

Lätteq

Kaupo Elberg, Vello Kaavere. Franz Sintenise sünnist 150. Eesti loodus 1985-8. lk 47-49.