Savo murdõq
Savo murdõq (soomõ keelen savolaismurteet) ommaq rühm soomõ keele hummogumurdit, midä kõnõldas pääle Savo maakunna viil ka Kesk-Soomõn, Põh'a-Kar'alan, Kainuun, Lõunõ-Põh'amaal ja Koillismaal.
Alarühmäq
[toimõndaq | toimõndaq lätteteksti]- Põh'a-Savo murdõq
- Lõuna-Savo murdõq
- Savonlinna kandi murdõq
- Hummogupoolidsõq Savo murdõq vai Põh'a-Kar'ala murdõq
- Kainuu murdõq
- Kesk-Soomõ murdõq
- Päijät-Häme murdõq
- Keuruu–Evijärve murdõq
- Vermlandi Savo murdõq
Tunnussõq
[toimõndaq | toimõndaq lätteteksti]T nõrk vastõq
[toimõndaq | toimõndaq lätteteksti]Ku soomõ kiräkeelen om t nõrk vastõq d, näütüses pata: padan, sis Savo murdõq ommaq d ärq kaotanuq vai millegi muugaq asõndanuq.
Mahtaako suaha kalloo? 'Ei tiiä, kas kallo ka saa'. (Soomõ kiräkeelen olnuq seo saada)
Ts vastõq
[toimõndaq | toimõndaq lätteteksti]Ku kiräkeelen om ts, näütüses metsä 'mõts', om Savo murdin seo asõmal ht: mehtä.
Tyttö männöö mehtään 'Tütrik lätt mõtsa'
Vahõqhelü
[toimõndaq | toimõndaq lätteteksti]Ku võro keelen võit üteldäq külm, Volvo, silmäq, sis Savon tulõ sinnä helü vaihõlõ: kylymä, Volovo, silimät.
Katsikvabahelle reduktsioon
[toimõndaq | toimõndaq lätteteksti]Nuuq katsikvabahelüq, mink lõpun om i, u vai ü (soomõ kiräviie perrä y), ommaq muuunuq e, o- vai ö-lõpulidsõs:
Kyllä Savonmua on oekein toloku immeisten mua.
Savo murrõq kultuurin
[toimõndaq | toimõndaq lätteteksti]Suumlaisi eepos "Kalõvala" om tõlgit ka Savo murdõhe.
Ka muial maailman tunnõt "Ievan polkka" (võro keelen "Eeva polka") om laulõt Savo murdõn.
Soomõn tetäs savolaisi üle kõik aig nall'a, et nä ei mõistaq midägi õkva är üteldäq. Üle soomõ om tunnõt Savokiilne lausõq "Suattaapi olla että on, suattaapi olla että ei" 'Vai ollaq et om, a vai olla olõ-õiq."