Ploomi Elmo

Ploomi Elmo (pseudonüüm Elmo Ellor, ristinimi Elmar Ploom; sündünüq 20./7. piimäkuu pääväl 1907 Sännän – koolnuq 1. põimukuu pääväl 1986) oll' näütekirjänik, aokiränik ja koduluulanõ.

Elokäük

Ploomi Elmo sündü Sännän, Kaugu talun. Esä Hermann oll' talupidäjä, imä Aliide (Oskar) oll' vallalidse põlvõn olnuq Korgõpalu mõisan latsihoitja, timä mant tull' Elmol raamaduhuvi. Talu piiri pääl Sännä algkoolin nakas' Elmo haridust saama, edesi tull' Rõugõ kihlkunnakuul', Võro, Valga ja Petseri gümnaasium. Leegeni Oskari kaudu jovvi timäniq "Tõdõ ja Õigus" ja muuq parõmbaq raamaduq.

Elmo paariminek oll' 21. süküskuu pääväl 1935, naanõ Mare (Lõhmus).

1931. aastagal oll' Ploomi Elmo üts' aolehe Rõuge Teataja asutajist ja toimõndaja.

1928–1936 oll' vabakutsõline aokiränik ja näütekiränik. 1938–1940 oll' "Kandlõ" tiatri dramaturg, 1939 aolehe Elu toimõndusõn Võrol.

Ülemaalinõ Eesti Noorsoo Ühenduse man asut' Sännä ja Võro osakunnaq, oll' Võro Spordiliidu sekretär jm. Kaitsõliidu ja Isamaaliido liigõq.

1940–1941 oll' edimält aolehe "Töörahva Elu" vastutaja toimõndaja ja peräst vastutaja sekretär.

1941. aastagal mõistõti erinõvvopidämise otsusõgaq 10 aastagas sunnitüüle, kiudutadi naasõ ja tütregaq Vinnemaalõ, oll' mõtsatüün Kuibõševi oblastin, tagasi sai 1959. aastaga sügüse. Naanõ ja tütär Tiiu saivaq tagasi 1958. Üts tütär ja poig kooliq inne tagasisaamist.

Aastast 1961 sai tüüd Võro ehitusmatõrjaalõ laon, oll' müüjä, prakiirjä, taara parandaja. 1967–1982 oll' Võru Kodoluumuusõumi vanõmbtiidri ja direktri asõtäütjä.

1981. aastal nimetädi Eesti luuduskaitsõ Seltsi avvuliikmõs.

Matõt Võru surnuaida.

Kirändüs

Romaaniq

Tuulispea (1927)

Elu ei naerata igale (1932);

Näütemängoq:

Agu tuleb - 1934
Diogenes koerakongis – 1934
Maarahva lunastamine – 1935
Mare võit – [1935]
Raudne rahwas (Terashelmed) – [1935]
Valge varese lend – [1935]
Pärl poris – 1936
Naismetsavaht – 1936
Peigmees maanteelt – 1938
Peep Adrakurg – 1939
Võru : [fotoalbum] – 1976
Võru rajoon / Elmo Ploom, Karl Veri - 1980
Pärlijõgi : [matkajuht] – 1988

Lätteq

https://lib.werro.ee/soovitame/vorumaa-kirjanike-galerii/6-huvitav/vorumaa-kirjanike-galerii/402-ellor,-elmo-kodanikunimega-elmo-ploom-20-vi-1907-s%C3%A4nna-01-viii-1986-v%C3%B5ru

https://arhiiv.err.ee/vaata/kirjutamata-memuaare-elmo-ploom

Lõun-Eesti tegelaste biograafiad. 1938. Lk.169.