Narva tank
Narva tank oll' mälehtüsmärk tuu avvus, et Verrev vägi võtt' tõõsõ ilmasõõ käügin 1944. aastagal Narva liina ärq. Monument oll' Narva liinan Jõõsuu huulitsan sääl, kon 25.–26. hainakuu pääväl Leningradi väerõnna väeq üle Narva jõõ tulliq. Monumendi geograafilidsõq koordinaadiq olliq 59° 25′ 1″ N, 28° 8′ 26″ E.
Monument esiq oll' tank T-34/85, miä oll' pant postamendi pääle. Tank oll' pant jõõgaq risti, suunagaq Berliini pääle.
Postamendi pääl oll' kiri katõn keelen: "25.–26. juulil 1944. a. forsseerisid Leningradi rinde väed selles rajoonis Narva jõe, murdsid fašistliku-Saksamaa vägede kaitse ja vabastasid Narva linna. В этом районе воиска Ленинградского фронта 25–26 июля 1944 года форсировали реку, прорвали оборону немецко–фашистских войск и освободили город Нарву."
Monument tetti valla inemiisile kaiaq 9. lehekuu pääväl 1970.[1]
Tangist ja tõisist Nõvvokogoliido mälehtüsmärgest naatiq jälq rohkõmb kõnõlõma 2022. aastagal, ku Vinnemaa läts' sõaga Ukrainahe. Põimukuun lepüti kokko, et tank viiäs minemä.[2]
16. põimukuu pääväl 2022. viidi tank Narvast ärq Viimsihe, Eesti Sõamuusõummi. Maaha võeti ka postament, mink pääl tank oll'.[3]
Vinnemaa Jaaniliina piirkunna juht Karpenko Viktor ütel', et Narva-Jaaniliina piiripunkti Vinnemaa poolõ pääle pandas Narva tangi koopia, miä plaanitas pidoga inemiisile kaemisõs valmis saiaq 11. süküskuu pääväs 2022.[4]
Lätteq
[toimõndaq | toimõndaq lätteteksti]- ↑ "Uutmaldaq aoluulinõ fakt: Narva tank om kuulsusõldaq reservmassin, minkal olõ-õiq Eestigaq määnestki köüdüst" Delfi Forte, 09.08.2022. Pruugit 02.09.2022. (eesti keelen)
- ↑ Raik: Tangimonumendi ärqviimise otsus oll' rassõhe. ERR 08.08.2022. Pruugit 02.09.2022. (eesti keelen)
- ↑ Valitsus vei Narva tank-monumendi ärq. ERR 16.08.2022. Pruugit 02.09.2022. (eesti keelen)
- ↑ Vinnemaa pand Jaaniliina Narva piiripunkti pääle pistü Narva tangi koopia. ERR 31.08.2022. Pruugit 02.09.2022. (eesti keelen)