Mere Lennart

Läteq: Wikipedia
Mine navigeerimisribale Mine otsikasti
Mere Lennart

Mere Lennart (Lennart Georg Meri; sündünüq 29. urbõkuu pääväl 1929 Talliinan, koolnuq 14. urbõkuu pääval 2006 Talliinan) oll' Eesti kirämiis, ümbrepandja, kinotegijä, diplomaat ja poliitik, Eesti riigipää 1992–2001.

Elokäük[toimõndaq | toimõndaq lätteteksti]

Mere Lennarti vanõmbaq olliq Eesti diplomaat, peränpoolõ William Shakespeare’i ümbrepandja Mere Georg ja Engmanni Alice-Brigitta.

Esä ammõdi peräst käve Lennart mitmõn S'aksamaa ja Prantsusmaa koolin ja opsõ mitund kiilt. Tä mõist vabalt s'aksa, prantsusõ, inglüse, soomõ ja vinne kiilt. Eestin lõpõt' tä Tal'na 10. Keskkooli ja Tarto Riiklidsõ Ülikooli cum laude.

1990. aastal oll' Lennart Savisaarõ Edgari valitsusõn välläministri. Tä sai Eesti Vabariigi pääkonsuli Ernst Jaaksoni hüvahüse Eesti valitsusõ tegevüsele ja oll' kaq Eesti Kongrõssin ja Põhisäädüse Täüskogon. Põimukuu riigipüürdmise aigo oll' tä Soomõn ni „sõdisi“  sääl Eesti Vabariigi vahtsõsttunnistamisõ iist.

1992. aastagal läht' Meri välläministri ammõtist ja sai veidükeses aos Eesti Vabariigi suursaadikus Soomõn. Sama aastaga sügüse kandidiirse tä Eesti riigipääs ni valiti Rüütli Arnoldi iin vahtsõs riigipääs. 1996 valiti tä tõõsõs ammõdiaos tagasi.

Mere Lennart kuuli pääajo kassuvhädä peräst 14. urbõkuu pääval 2006 ja om matõt Talliina Mõtsamatusaida.