Müürsepä Martin

Läteq: Wikipedia

Müürsepä Martin (Martin Müürsepp) om inneskine eesti korvpallur, kiä om sündünüq 26. süküskuu pääväl 1974. aastagal Talliinan. Müürsepp om siiäqmaaniq edimäne ja viimäne eesti korvpallur, kiä om mängnüq NBAn.

Müürsepä Martin oll' uma mängoposits'ooni poolõst suur viir. Tä om kats miitret säidse tsendimiitret pikk ja kaald 103 killo.

Elolugu[toimõndaq | toimõndaq lätteteksti]

1996. aastagal valõ NBA drafti edimädsen tsõõrin Müürsepä Martini katõkümne viiendän valikun hindäle Utah Jazz, kiä Martini Miami Headile edesi kaubõl'. Müürsepp om platsi pääl käünüq 83 NBA mängon Dallasõ Mavericksi iist keskmäidsi näütäjidega 4,7 punkti, 2,2 lavvapalli ja 11,5 minotit. Uman kõgõ parõmban NBAn mängitün mängon visas' Martin 24 silmä ja võtt' 14 lavvapalli.

Peräst NBAd läts' Martin Kreekahe, kon mänge BC Arisõ ja Ateena AEK iist. 2000. aastagal võit’ Martin Ateena AEKga ka Saporta Kariga ja Kreeka Meistrevõigõlusõq.

2001-2005 mänge Müürsepp Vinnemaal Kaasani Unicsin ja Moskva CSKAn.

Müürsepp om mängnüq ka Eesti rahvuskuundisõn, minkast ütel' ärq 2005. aastagal.

2006. aastagast mänge ta Tarton paigapäälidse korvpalliklubi TÜ/Rocki iist.