Kivisild (Tarto)
Kivisild oll' Tarton 1784–1941 parhilladsõ Kaar'silla kotussõ pääl olnuq sild. Klassitsistlik sild oll' ehiteld Liivimaa meistre Siegfriedeni J. Carli projekti perrä ni ehitüsmeistre Zaklowsky Johanni abil aastagil 1779–1784. Ehitämisel kaotõdi ärq Imäjõõ põh'apoolinõ kõrvalinõ harojõgi ja Holmi saarõst sai Imajõõ põh'apoolinõ perv. Sild oll' kavva ainugõnõ kivist sild Baltikumin.
Silla keskmäne jago oll' puust ja ülesnõstõtav, ja tuu tekk' laivaliikmisõ võimaligus. Katsa värehtikaarigaq Kivisild oll' 5,6 miitret laiu, väreht'ikaare man 4 miitrit laiu, ja tuu ehitämise pääle läts' umbõs 3000 graniitplokki. Kivisild sai valmis 16. süküskuu pääväl 1784.
Silla raatusõpoolidsõ saina pääl olliq kats kivist tahvlit śaksa- ja ladinakeelitside tekstegaq: SISTE HIC IMPETUS FLUMEN CATHARINA II IUBET CUIUS MUNIFICENTIA HAEC MOLES IN COMMODUM PUBLICUM EXSTRUCTA LIVONIAQUE PRIMO PONTE LAPIDEO ADORNATA MDCCLXXXIII ('"Jõgi, piäq siin umma vuulu," käsk Katariina II, kink heldüsest seo sild om ehiteld ja kiä om Liivimaad ilostanuq edimädse kivisillagaq aastagal 1783').
Silla õdagupoolõ häöt' 1941. aastagal ärq Nõukogude Liido syavägi, hummogupoolinõ sillakaar' häädü 1944. aastagal.
Kaeq viil[toimõndaq | toimõndaq lätteteksti]
Välislingiq[toimõndaq | toimõndaq lätteteksti]
- Kivisillast Tarto liina kodolehel
- Pilt Johann Christoph Brotze kollektsioonist: Die Dorptsche Steinerne Brücke. Ein Denkmal der grossen Wiederherstellerin Dorpats. 1800 [ Eduard Philipp Körber; die Ansicht].
- Vinnekeeline hariv portaal Tarto liinast - Kivisild