Käisi Johannes

Käisi Johannes (Johannes Käis, 1885-1950) oll' koolimiis ja luudusopõtusõ oppaja. Tä sündü Põlva kihlkunnan Timo vallan Rosma külän nink kuuli Põlva vallan Trompsi külän.

Pereh

• Esä: Käisi Peeter (1849-1922), kuulmeistri
• Imä: Käisi (Hurda) Liis (1852-1926)
• Naanõ: Käisi (Lauga) Anette (1891-1942), kuulmeistri

Haridus

• Rosma küläkuul
• 1897-1899 Põlva kihlkunnakuul
• 1900-1903 Võro liinakuul
• 1903 tekk' Pihkva gümnaasiumi man kreiskoolioppaja kutsõeksämi.
• 1904 lõpõt' eksternin Peterburi Oppajidõ Instituudi.
• 1918 lõpõt' Petrogradi ülikooli füüsiga-matõmaatigatiidüskunna I järgo diplomiga.

Tüükotussõq

• 1903-1906 Limbaži liinakooli oppaja
• 1906-1911 Valmiera liinakooli ja tütärlatsigümnaasiumi oppaja
• 1911 Riia Peeter-Pauli liinakooli oppaja
• 1912-1917 Riia Aleksandri I gümnaasiumi (miä oll' 1915-1917 evakueerit Võrro) oppaja
• 1917-1919 Vologda Oppajidõ Instituudi maatiidüse ja luudusopõtusõ oppõjoud nink direktri
• 1919-1920 Pihkva Rahvaharidusõ Instituudi lektri nink kubõrmango haridusosakunna instruktri
• 1920-1921 Eesti haridusministeeriümi riigikoolinõvvomiis
• 1921-1930 Võro Oppajidõ Seminäri direktri
• 1931 Paldiski ütisreaalgümnaasiumi direktri
• 1931-1940 Eesti Oppajidõ Liido tiidüsline sekretäär
• 1940-1941 Haridusõ Rahvakomissariaadi metodoloogiaosakunna juhataja
• 1940-1941 ja 1945-1949 aokirä "Nõukogude kool" toimõndaja
• 1944-1947 Haridusministeeriümi metoodigaosakunna juhataja
• 1947-1950 kuulõ inspektri

Ütiskundlinõ tegevüs

• 1930. aastagil juhte koolivahtsõndusrühmä, kohe kuulu päält 400 oppaja.
• 1938-1940 juhte oppajidõ kolmõaastagaidsi tävvendüskursuisi.

Looming

Avald' kogomigu "Loengit ja kokkovõttit" I-II nink aastagaraamatit "Tiil tüükoolilõ" I-VI. Toimõnd' metoodiliidsi raamatidõ rita "Vahtsit teid algoppusõn", bülletääni "Koolivahtsõndaja" nink "Eesti entsüklopeediä" artiklit luudustiidüse, maatiidüse, põllumajandusõ nink pedagoogiga alalt. Põh'and' luudusopõtusõ metoodiga ja koolifenoloogia nink kuts' üles kooliaido tegemä. Kirot' hariduspoliitiga- ja metoodigaartiklit. 1946. avald' inne sõta kirotõt koolivahtsõnduskirätüüq kogomigun "Valit tüüq", mink iist tedä süüdüstediq kodanlik-natsionalistligun kihotustüün nink sunniti tüült ärq minemä. Timä teossõq olliq 1960. aastagidõ keskpaigani ärq keeledüq.

Teossõq

• "Tiil tüükoolilõ" I-VI ("Teel töökoolile"), Võro, 1924--1929
• "Luudusopõtus algkoolin" I-III ("Loodusõpetus algkoolis"), Võro, 1927-1930
• "Vahtsit teid algoppusõn" ("Uusi teid algõpetuses"), Talliin, 1931-1936, 13 käsiraamatut üten tüüvihkõ ja juhõndidõga
• "Koolivahtsõndaja" ("Kooliuuenduslane"), 1933-1940
• "Esiqtegemine ja individuaalnõ tüüviis" ("Isetegevus ja individuaalne tööviis"), Võro, 1935; 2. trükk 1992, soomõ keelen 1937
• "Loengit ja kokkovõttit" I-II ("Loenguid ja kokkuvõtteid"), Tarto, 1938-1939
• "Valit tüüq" ("Valitud tööd"), 1946

Tunnustusõq

• 1945 ENSV tiindsä oppaja

Mälehtüse hoitminõ

• 1988-1996 kand' Põlva Keskkuul Käisi Johannese nimme.
• Johannese Kuul Rosmal kand (Käisi) Johannese nimme.

Välislink

• Käisi Johannesest om põh'aligult kirotõt Talliina Ülikooli lehe pääl.