Islandi kiil

Läteq: Wikipedia
Mine navigeerimisribale Mine otsikasti

Islandi kiil om indoõuruupa kiili germaani rühmä kiil, midä kõnõlõs päält 300 000 inemise päämidselt Islandin.

Islandi kiil
Kõnõldas Islandin
Kõnõlõjit 314 000
Ammõtlinõ kiil Islandil
Keeletiidüsline rühmitüs
Kiilkund Indoõuroopa
Keelerühmäq germaani
Keelekoodiq
ISO 639-1 is
ISO 639-2 ice, isl
ISO 639-3 isl
  alue jossa islanti on pääkieli   alue jossa islanti on vähemmistökieli
Tummõsinidsegaq om märgüt ala, kon islandi kiil om inämbüskiil; hellesinidsega ala, kon islandi kiil om vähämbüskiil

Nigu tõisil väikeisil keelil, ommaq ka islandi keelel umaq hädäq – inglüskeeline maailm tulõ nii kipõstõ pääle, et islandi hindätiidmine või tulõvigun ohon ollaq[1]

Islandi keele täheq[toimõndaq | toimõndaq lätteteksti]

  • A, a – a
  • Á, á – á
  • B, b – bé
  • (C), (c) – sé
  • D, d – dé
  • Ð, ð – eð
  • E, e – e
  • É, é – é
  • F, f – eff
  • G, g – gé
  • H, h – há
  • I, i – i
  • Í, í – í
  • J, j – joð
  • K, k – ká
  • L, l – ell
  • M, m – emm
  • N, n – enn
  • O, o – o
  • Ó, ó – ó
  • P, p – pé
  • (Q), (q) – kú
  • R, r – err
  • S, s – ess
  • T, t – té
  • U, u – u
  • Ú, ú – ú
  • V, v – vaff
  • (W), (w) – tvöfalt vaff
  • X, x – ex
  • Y, y – ufsilon y
  • Ý, ý – ufsilon ý
  • (Z), (z) – seta
  • Þ, þ – þorn
  • Æ, æ – æ
  • Ö, ö – ö

Islandi keele välläütlemine[toimõndaq | toimõndaq lätteteksti]

Islandi kiräviis om küländ keeroline, aq tuuiist peris riigliperäne.

Vabahelü (vokaal) om pikḱ, ku saman tsilbin om ta perän ütś peethelü (konsonant), ku saman tsilbin om katś peethellü, om vabahelü lühüq. Eränguq:

  1. Vabahelü om pikḱ, kuq edimäne peethelü ta perän om /p t k s/ ja järgmäne /v j r/
  2. Vabahelü om pikḱ ütetsilbilisin /p t k/ lõpugaq perisnimisõnnon, mink perän om umakäänüsse tunnus -s.
  3. Liitsõnno edepoolõn püsüs vabahelü pikḱ
  4. Tegosõnnon vitkast ja litka ommaq pikäq vabahelüq
Vabahelüq
Täht Välläütlemine
Pikḱ Lühüq Inne [ŋ]-i
a [aː] [a] [au]
á [auː] [au]
au [øiː] [øi]
e [ɛː] [ɛ] [ei]
é [jɛː] [jɛ]
ei, ey [eiː] [ei]
i, y [ɪː] [ɪ] [i]
í, ý [iː] [i]
o [ɔː] [ɔ]
ó [ouː] [ou]
u [ʏː] [ʏ] [u]
ú [uː] [u]
æ [aiː] [ai]
ö [œː] [œ] [øi]

Islandi kiilt panti viil hulga aigo kirjä sammamuudu ki viikingiaol, kuikiq paaŕ tähte om vällä jätet. O takan om olnuq hand vai ogonek, miä om vaihtõt e-s vai ö-s, olõnõs kumba muudu om taad naatu vällä ütlemä. Œ tähte inämb kah ei pruugitaq – ta välläütlemine om seo ilma aigu täpsele sama ku æ.

Rasõhus om õnnõ edimädse tsilbi pääl nigu võro keelengiq. Tuu tähendäs, et islandi kiilt ei üteldä vällä laulva aktsendigaq nigu roodsi kiilt.

Täht æ ei ole ku võro ä, tuu üteldäs vällä ku katsikvabahelü [ai].

Lätteq[toimõndaq | toimõndaq lätteteksti]

  1. https://www.theguardian.com/world/2018/feb/26/icelandic-language-battles-threat-of-digital-extinction