Õunapuu Lauri
| Õunapuu Lauri
| |
|---|---|
 Õunapuu Lauri Matsalu Loonakinosidõ festivaalin (2022) | |
| Sündünüq | 1. joulukuu päiv 1976 |
| Ammõt | perimüsmuusik |
| Abikaasa | Hainsoo Meelika |
Õunapuu Lauri (sündünüq 1. joulukuu pääväl 1976) om eesti perimüsmuusik.
Tä om ansambliidõ Metsatöll (1999. aastagast), Ülemakstud Rentslihärrad, Harju Mehed ja Sinimaniseele (2002. aastagast) liigõq ni Arhailise Meestelaulu Seltsi alostajaliigõq. Om olnuq ansambliin Messier ja Tsõdsõpujaleelo.
Tä laul ni mäng mitund pilli: eelektri- ja akustilist kitrat, eesti toropilli, väikut kannõld, rahvakannõld, Hiio kannõld, flüüti, parmupilli, moldpilli.
Õunapuu Lauri om Vikerraadio saatõ "Huvitaja" jao "Päritud laul" saatõjuht.
Õunapuu Lauri om abielon perimüsmuusik Hainsoo Meelikaga. Näil om poig Laas ja tütär Lee.[1]
Raamaduq
[toimõndaq | toimõndaq lätteteksti]- 2013 – "Külalaulik 1. Rahvalaule sajanditaguseilt Eesti külatänavailt", ISBN 9790540022105
- 2019 – "Papa laulik. Rahvalikke laule eelmise sajandi algusest", SP Kirjastus, ISBN 9790801713087
Kitmiseq
[toimõndaq | toimõndaq lätteteksti]- 2016 Eesti Folkloorinõvvokogo avvohind Teotugi
- 2020 Etnokulp (perimüsmuusiga keskusõ erikulp)
- 2021 stipendium "Ela ja sära"
- 2023 aokirä Keel ja Kirjandus aastagaavvohind (artikli "Atlandi ookeani varjatud allhoovused" iist, miä om Juhan Smuuli 1956. aastaga näütemängon "Atlandi ookean" ette kantuisist ja kõnõlduisist 22 laulust, neide mitund laida olõmisõst ja tähendüsest).
Lätteq
[toimõndaq | toimõndaq lätteteksti]- ↑ Rahmani Jan: Hainsoo Meelika ja Õunapuu Lauriga. Maast ja mõtsast, laulust ja aost. Uma Leht, 10. põimukuu päiv 2010. Pruugit 5. vahtsõaastakuu pääväl 2025.