Rahmani Jan

Läteq: Wikipedia
Jump to navigation Jump to search
Rahmani Jan

Jan Rahman

Rahmani Jan.jpg
Sündünüq30. hainakuu päiv 1975
Loosi
Ammõtkirämiis


Rahmani Jan (Jan Rahman) om sündünüq 30.07.1975 Võrol. Opnu Loosi 8-klassilidsõn koolin (1982-1990), Võro I keskkoolin (1990-1993) ja vähä aigu ka Tarto Ülikoolin aokirändüst (aastil 1993-2004). Tä om olnuq Tarto Nuuri Autoridõ Kuundisõn ja Võro Seldsin VKKF. Kõrraldanuq egäsugutsit võro keele ja kultuuri üritüisi (Kaika suvõülikooliq jm).

Kirotanuq (inämbüisi võrokeelitsit) luulõtuisi, näütemänge, arvustuisi ja niisama aolehejutukõisi. Võro kiilde pandnuq luulõtuisi (Laaksoneni Heli, Krulli Hasso) ja draamat (Shakespeare'i "Suvõüü unõnäo" käsitüüliisi stseene). Kirotanuq laulõ ja laulusõnno ansamblilõ Ummamuudu ("Kõnõtraat", "A mille", "Kloostrivein", "Mis uudist", "Ummamuudu liin"), Tuksami Jaagulõ ("Uni") ja ansamblilõ Viie pääle ("Uni", "Kuionu puu", "Puu palas", "Üü" jt).

Maailma edimädsel võrokeelitsel laulupidol "Uma Pido" lauliq kooriq mitund Jani tekste pääle kirotõdut laulu: "Kõnõtraat", "Kuionu puu", "Puupää rock'n'roll", "Perräjäänüq" (teksti autor ka Ilvese Aapo).

Raamaduq[toimõndaq | toimõndaq lätteteksti]

  • Luulõtuisi kogo "Vasõst Vas’k" (Eesti Kostabi $elts, Tarto 1997)
  • Luulõtuisi ja tõlkidõ kogo "Maapuupäiv" (üten Laaksoneni Heliga) (Sammakko ja Võro Selts VKKF, Võro-Turu 2000, Sammakko, Turu 2005 (kõrdustrükk)).
  • Luulõkogomik ja CD "Viie pääle" (üten Contra, Ilvese Aapo, Pulga Jaani ja Ruitlasõ Olaviga) (Väiku välläandja, Võro 2005).
  • Latsiraamat "Vävvä" (Võro 2005).

Luulõtuisi, juttõ, arvustuisi jms avaldanuq aolehin Töörahva Elu, Võrumaa Teataja, Koit, Viruskundra, Uma Leht, Sirp, Postimees, Eesti Päevaleht, aokir'on Vikerkaar, Tuli & Savu, Täheke, Teater. Muusika. Kino. Juttõ ja luulõtuisi om ilmunu ka kogomigõn "Hea raamat" (NAK, Tarto 1998), "Emajõe kondor" (NAK, Tarto 2002), "Sano, tuuli" (Helsinki 2002). Luulõtuisi om avaldõt Võro-Seto tähtraamatin. Laulu "Kõnõtraat" sõnno ommaq avaldanuq pall’oq lauluraamaduq.

Ütiskundlinõ tegevüs[toimõndaq | toimõndaq lätteteksti]

  • Jan om Võro Seldsi VKKF juhatusõ liigõq. Aastagil 2001-2006 oll' tä seldsi juhatusõ edemiis.