Zetod

Zetod 2007. aastagal

Zetod om ansambli, kon mängväq pilli ja laulvaq viis Setomaalt peri nuurtmiist. Näide mängmisviisi üteldäs "punklooris", taa om sego rahvalaulust, rokist ja pungist. Poisiq laulvaq õnnõ seto keeli.

Ansambli Zetod nakas' kuun mängmä 2003. aastagal. Algusõn olliq sääl Vabarna Jalmar, Linnusõ Artur, Viskari Jaanus ja Purika Alar, a edimädse helütsõõri "Lätsi vällä kaema" pääl, miä tull' vällä 2005. aastaga suvõl, mängse trummi joba Puurmaa Heimar. Tuus aos nä olliq üles astnu joba uma poolõlsaal kõrral, näütüses esiki Villändi folgil.

Zetod ommaq vällä andnuq säidse albummi, mink siän om ka üts' live-album. Tõõsõ tsõõrigu "Lätsi tarrõ tagasi" (2008) laulvaq ka naasõq – Tsibihärbläseq. Taa albumigaq saiq nääq väega popis ja saiq Aastaga Etno/Folk Artisti avvohinna. Soomõn pääle võet album "Lätsi sanna" valiti 2010. aastaga kõgõ parõmbas etno-/folkalbumis, "Lätsi kõrtsu" võit' seosama avvohinna 2014. aastagal.

Diskograafia

Albumiq

• "Lätsi vällä kaema" (2005)
• "Lätsi tarrõ tagasi" (2008)
• "Lätsi sanna" (2010)
• "Lätsi kõrtsu" (2013)
• "Lätsi liina" (2018)
• "Traadilda live at Treski küün" (2020)
• "Lätsi pitto" (2022)

Singliq

• "Merekosilased" (2009)
• "Kats sõsar kargasõ" (2009)
• "Lätsi kõrtsu" (2012)
• "Petseri palaminõ" (2015)
• "Siro, siro, sitakõnõ" (2017)
• "Kost Ti Peri" (2022)

Liikmõq

• Vabarna Jalmar – kitra, karmoška, laul
• Viskari Jaanus – basskitra, laul
• Linnusõ Artur – akordion, laul
• Leima Matis - kiiga, karmoška, laul
• Küti Martin – trummiq

Lätteq

• "Setopois'kõisi plaat'" Uma Leht, süküskuu 27. päiv, 2005
• "Üte huuga tettü plaat" Uma leht, hainakuu 13. päiv, 2010

Välälingiq

• Kodoleht