Zetod

Zetod 2007. aastagal

Zetod om ansambli, kon mängväq pilli ja laulvaq viis Setomaalt peri nuurtmiist. Näide mängmisviisi üteldäs "punklooris", taa om sego rahvalaulust, rokist ja pungist. Poisiq laulvaq õnnõ seto keeli.

Ansambli Zetod nakas' kuun mängmä 2003. aastagal. Algusõn olliq sääl Vabarna Jalmar, Linnusõ Artur, Viskari Jaanus ja Purika Alar, a edimädse helütsõõri "Lätsi vällä kaema" pääl, miä tull' vällä 2005. aastaga suvõl, mängse trummi joba Puurmaa Heinar. Tuus aos nä olliq üles astnu joba uma poolõl saal kõrral, näütüses esiki Villändi folgil.

Tõõsõ tsõõrigu "Lätsi tarrõ tagasi" andsõq nä vällä 2008. aastagal. Tuu pääl laulvaq ka naasõq – Tsibihärbläseq.

Näide kolmas helütsõõr "Lätsi sanna" tull' vällä 2010. aastagal. Taa om pääle võetu Soomõmaal.

Liikmõq

• Vabarna Jalmar – kitra, karmoška, laul
• Viskari Jaanus – basskitra, laul
• Linnusõ Artur – akordion, laul
• Leima Matis - kiiga, karmoška, laul
• Küti Martin – trummiq

Pruugiduq lätteq

• "Setopois'kõisi plaat'" Uma Leht, süküskuu 27. päiv, 2005
• "Üte huuga tettü plaat" Uma leht, hainakuu 13. päiv, 2010

Välislingiq

• Kodoleht