Vana-Nursi Linnuväli

Vana-Nursi linnuväli oll' Vana-Nursi mõisa nurmõ pääl, Võro-Valga suurõtii veeren (57.785219, 26.921137). Tuud nakas' Vabahussõa aigu tarvitama 2. diviisi lennusalk nr 1.

Linnuväke naati kõrraldama inseneriväe man 1918. aasta märtekuun. Edimäne linnuk saadi vastapäälemineki aigu Narva kandin vahtsõaastakuul 1919. Tuu oll' Prantsusmaal ehitet Farman HF-30.

Vabahussõa aigu teiq Eesti linnusalgaq 24 lindamist pommitamisõ ja maakullõmisõ jaos. Vana-Nursi linnuvälä päält alas' 16 säänest lindamist. Viimäne lindaminõ oll' 30. märtekuul 1919, luuramisõs Pihkva kanti.

Inämbüste käveq lindaman ütenkuuhn lendur-lipnik Karl Haas ja lendur-vaatlõja Jaan Schultz. Algusõst pääle oll' viil kolm linnugijuhti, a nuuq lindsiq harvõmb. Vana-Nursi oll' väerõnnalõ lähembäl ku Tarto, tuuperäst tast ni pall'o lindamist.

Pääle sõa lõppu naati lindama Tartost ja Vana-Nursi jäi Tarto varumaandumisõ kotusõs. Linnuvälä pindala oll' 29,5 ha. Sääl oll' ka lihtnõ hainaküünü muudu angaar.

Lätteq

• Kaarel Piirsalu. ÜKSIK LENNUVÄEDIVISJON NR 2 1930-1940. Kaitseväe ühendatud õppeasutused. Lõputöö. Tartu 2012. 108. lk.
• Gerdessen, F.; Kitvel, T.; Tilk, J. 2001. Aeg, mehed, lennukid. Eesti lennunduse arengulugu 1940. aastani. Tallinn: Eesti Entsüklopeediakirjastus.