Trad.Attack!

Trad. Attack! om Eesti folkansambli. Bänd om kuun aastagast 2013 pääle.

Nä mängväq folklaulõ ni tegeväq naid seoilmaaolidsembas. Suurõmb jago naist om lövvet' arkiiv'ist. ^[1]

Aolugu

Ansambli tekk' 2013. aastaga lõpun, kuq anti vällä edimäne singli "Kooreke". Trad. Attack!'i edimäne kontsert oll' 2014. aastaga urbõkuun Tallinn Music Week'in.

Trad. Attack!’i tsiht' om üles astuq egän riigin. Nä ommavaq jo mängnüq kolmõnkümnen säitsmen riigin.^[2]

Albumiq

AH! (2015)

"Ah!" om Trad. Attack!'i edimäne album' ja võit' õkva hulga avvohindo: Parim helüplaat', Parim laul "Jaan'kene", Parim Muusigakamp, Parim laulja Vabarna Jalmar.^[3]

Albumi pääl om lugu "Jaan'kene", miä võit' Etnokulbi kõgõ parõmba laulu iist, om setokeelidside sõnnogaq. ^[4]

Kullakarva (2017)

"Kullakarva" om Trad.Attack'i tõnõ album'. Muusikalidsõn mõttõn om ta kipõmb ja pand jala rohkõmb tündsähämä kuq edimäne album'.

Make Your Move (2020)

"Make Your Move" (võro keelen "Tiiq uma käük'" vai "Suq kõrd") om Trad.Attack!'i kolmas album, miä tull' vällä 2020. aastaga mahlakuun.

Albummi kitediq väega ka inglüsekeelidsen meedian. Inglüse uudissidõkannal' Spiral Earth and' hindõs viie ja kirot', et albummi ol'l' põnnõv kullõldaq ja taa ol'l' kuq herre raketitulõsabagaq täht' taivan ^[5]

Singli "Armasta mind" (võro keeli "Armastaq minno") om nõiasõnno või loidsu pääle tettüq laul, miä hoit armastust ligembän. ^[6]. Põhja laul kaq Epligu Vaiko.

Albumi viimäne laul "Siberi unelaul" (võro keelen "Tsiberi unõlaul") om Tsiberi setokõisi latsõ hällütämise laul.

Mymiatures - Songs That Never Grew Up (2020)

"Mymiatures - Songs That Never Grew Up" (võro keelen "Lauluq, miä es kasuq suurõs") om Trad.Attack!'i nelläs album, miä tull' vällä 2020. aastaga joulukuun.

Albumi pääl ommaq lauluq ja hetkeq, miä sündü kolmanda plaadi "Make Your Move" tegemisel.

We Miss Playing For You (2021)

"We Miss Playing For You" (võro keelen "Miiq igädse teile mängmist") om Trad.Attack!'i viies album, kohe ommaq saanuq live-etteastõq, õkva kontsõrtidel laulõt lauluq.

Liikmõq

Vabarna Sandra (toropill, parmupill, vilepill, laul)

Vabarna Jalmar (kitra, laul)

Tubli Tõnu (tromboon, lüükpill, laul)

Välälingiq

Trad.Attack!'i kodoleht

Lätteq

[1] ttps://www.huffpost.com/entry/traditude-traditional-music-with-a-twist_b_6861514?guccounter=1&guce_referrer=aHR0cHM6Ly9lbi53aWtpcGVkaWEub3JnLw&guce_referrer_sig=AQAAANCxx-rDWS2jxFXBl8dzKTEDOdbVqsTdhCViYGqkFwy_JeQwWCzJ_NszJwFed-vvQHvKQSPGNvoNVSdcc0jJKJplGpjGFpL91rvb5d8RIjuvI3amGOeFshBEaAe3mlICIsc8PJMq5cnvwhLsevBc9LJe7BZhOYaKCCki90XrW4pN

[2] ttps://www.tradattack.ee/#master-plan

[3] ttps://sakala.postimees.ee/3358029/etnokulbid-jagatud-koige-rohkem-saab-leili-visata-jalmar-vabarna

[4] ttps://www.youtube.com/watch?v=1nu78S5otAo

[5] ttps://www.spiralearth.co.uk/make-your-move-trad-attack/

[6] ttp://podcast.kuku.postimees.ee/podcast/intervjuu-sandra-vabarna-tradattack-armasta-mind-arataja/

[1]

[2]

[3]

[4]

[5]

[6]