Toomas
Toomas om mehe edenimi. Umasütlejä käänüsse vorm võro keelen om vanna muudu .Tuuma, vahtsõt muudu Toomassõ.
Nimi om tulnuq Vahtsõst testamendist, kon Toomas oll' üts Jeesusõ jüngri, kedä es kutsuta perisnimega, a arameakeelidse hõigunimega Katsikõnõ (Sis üttel Tomas, ke kutsutas katsikeses, omme kaasjüngridele... (Jh 11,16). Aramea keele te'oma (תאומא) 'katsikõnõ' om Vahtsõn testamendin ümbre kirotõt kreeka kiilde Θωμᾶς (thomas).
Eesti ja Soomõ alal sai ristiusu nimi Toomas populaarsõs lühenemäldä kujul, selle et taa läts kokko vannu umakeelidside nimmi (Ihamas, Vihtimas jt) mas-lõpuga[1].
1684. aastagal Rõugõ kihlkunnan oll' Toomas sagõdusõlt nelläs talo peremehe edenimi (5,1%)[2]. 2021. aastagal oll' edenime sagõdus Vana-Võromaa ala pääl 0,5-0,6 %[3].
Vastussit tõisin kiilin:
- Toomas, eesti kiil
- Thomas, s'aksa kiil
- Toms, läti kiil
- Фома́ (Foma), vinne kiil
- Фама (Fama), Тамаш (Tamaš), valgõvinne kiil
- Tomasz, poola kiil
- Tuomas, soomõ kiil
- Tomas, roodsi kiil
- Tamás, ungari kiil
- Thomas, Tom, inglüse kiil
Lätteq
[toimõndaq | toimõndaq lätteteksti]- ↑ Saar, Evar 2020: Läänemeresoome mAs-isikunimed. ESUKA-JEFUL, 11, 1, 87−103.
- ↑ Saar, Evar 2016: Rõuge ja Vastseliina talupoegade eesnimed XVI ja XVII sajandil. Võro Instituudi toimõndusõq, 11−56.
- ↑ https://www.stat.ee/nimed/toomas