Tilsi mõisa

Tilsi mõisa päähoonõq 2007. a.

Tilsi mõisa (sks. k. Tilsi) oll' perismõisa Põlva kihlkunnan põrõhõlladsõ Laheda valla alal. Mõisa jaeti ärq Väimälä mõisast 1749. a. Mõisahuunõq ommavaq Tilsi külän.

Inemiseq

• Edimäne umanik oll' von Schillingi tütär Mülleri Charlotte Amalie.
• 1765 ost' mõisa Schmidti Johann Jacob.
• 1833-1919 oll' mõisa von Rothõ käen.
• 1889-1919 oll' perämädses umanigus Rothi Woldemar Friedrich.

Huunõq

Tilsi mõisa park

Pikk ütekõrdnõ puust härbän om ehitet mitmõn jaon. Vanõmbaq osaq võivaq ollaq perit 18. aastagasaast, lõpligu kujo sai hoonõq 19. aastagasaa tõsõl poolõl. Tii ja Tilsi Pikkjärve vaihhõl om olnuq hulka kõrvalhuunit ja väikene park. Innembide ommaq mõisahuunõq paistunuq järve poolõ, a sinnäq ette ommaq puuq kasunuq. Vana Tarto-Võro tii päält lätt Tilssi 3 km pikkunõ tii, mink perämädseq paarsada miitret ommaq tsihtnüq õkvalt päähuunõ keskpaika.

1921. aastagast pääle oll' mõisahuunõn latsikodo. Ku 1978. a. ehitedi sinnäqsamma kõrvalõ latsikodo vahtsõnõ hoonõq, jäiväq mõisahuunõq tühäs. Alalõ om püsünü illos väreht ja mitmõq kõrvalhuunõq, midä om sõski ümbre ehitet.

Kar'amõisaq

• Siastõ
• Oti
• Vana-Valsi
• Vahtsõ-Valsi

Kaeq viil

• Põlva kihlkunna mõisaq

Välisllingiq

• Tilsi mõisa kotsilõ või kaiaq Eesti mõisaportaalist