Tarto vangimaja
| Tävvendäq seod artiklit! |
| Tarto vangimaja | |
|---|---|
| Kotus | Tarto |
| Alostamisaig | 2000 |
| Vangimaja tüüp | kinnine kammõrvangimaja |
| Vangiq | vahistõduq täüskasunuq meheq ja naasõq, süüdümõistõduq täüskasunuq meheq |
| Vangimajakotussidõ arv | 938 |
Tarto vangimaja om asukotus Tarton.
Tarto vangimaja võtt' edimädseq vangiq vasta 16. rehekuu pääväl 2002. aastagal. Tuuga tähüstedi Eesti vanimajateenistüse üleminekit ütisvangimajjolt kammõrvangimajjolõ. Niisamatõ luudi Tarto vangimaja ehitämisega piirkundlik vangimajateenistüs.
Tarto vangimaja om ligi 94 000 kruutmiitre suurudsõ ala pääl Imäjõe oron. Vangimaja üldpind om 23 000 kruutu, tan ommaq vakutsõmishuunõq, vastavõtmisõ ruumiq, puhkõ- ja spordiruumiq, opiklassiq, tuutmispinnaq metali, puu- ja tekstiilitüüs, usotallitusõ kõrraldamisõ ja abiruumiq. Vangimajan om 479 kammõrd, üts kambri om u 10 kruudu suurunõ.
Vangimajal hoitvaq silmä pääl pildikaamõraq, tüütäjil külgetulõgi-häiresüstem ja esiqerälidseq perräkaemisõsüstemiq umbõs kilomiitrepikkudsõ välimädse aia kaitsmisõs.
2004. aastagal teiväq justiitsministeeriümi vangimajjo osakund ja politseiasotuseq ütenkuun saatmisosakunna, miä om erälde osakund Tarto vangimaja seen. Saatmisosakund kõrraldas vangõ vidämist püssävalvõ all vangimajjo ja arestimajjo vaihõl egäl puul Eestin.
2005. aastagast pääle and Tarto vangimaja arstiosakund paigapääl ka psühhiaatrilist api (sääl om vangimajjo psühhiaatriaosakund). 2007. aastagal luudi Tarto vangimajan hoimastivaba keskus.
Vangõ oppamist kõrraldas Tarto täüskasunuisi gümnaasium ja Tarto kutsõkoolituskeskus.
Tarto vangimajan saa majandustöid tetäq ka u 80 vangi, vangimajast välänpuul tüütäs ligi 20 vangi.
Välislink
[toimõndaq | toimõndaq lätteteksti]- Tast või kaiaq, ku pall'o Tarto vangimajan vangõ om.