Tarto raudtiijaam

Tarto raudtiijaam (s'aksa keelen Bahnhof Dorpat) om raudtiijaam Tartomaal Tarton.

Päält raudtiijaama ommaq Tarto liinan viil Kirsi (Tartu–Koidula raudtii) ja Aardla raudtiipiätüseq (Tartu–Valga raudtii), kooniq 2008. aastaganiq oll' Variku raudtiipiätüs. Tarto raudtiijaam om Elroni reisirongõ Tarto piirkunnan, Tapa poolõ minnäq ommaq piledihinnäq piätüisi perrä.

Jaamahuunõ aadrõss om Vaksali 6.

Jaam[toimõndaq | toimõndaq lätteteksti]

Tarto jaaman om kats uutmiskotust, tõnõ 260 m, tõnõ 330 m. AS Elroni rongiq sõitvaq järgmiisi liine pääl:

Suvõaol lätt Koidula rong Piusaniq vällä.

Aolugu[toimõndaq | toimõndaq lätteteksti]

Tarto raudtiijaam (vaksal) ehitedi üten Tapa–Tarto raudtiigaq 1876. aastal. Edimäne rong joud' Tartohe 21. põimukuu pääväl 1876. Tallinna–Tarto raudtiid oll' innekõkkõ vaia kaupmihil, kiä tahtsõ kaupa kipõmbahe peräle saiaq. Tarto–Valga–Riia raudtii ehitedi 1889. aastagal ja Tarto–Petseri raudtii 1931. aastal.

Tarto jaamahoonõq ehitedi 1875.–1877. aastagal Tähtvere mõisa maiõ määle, miä tuud aigu oll' viil Tartost välänpuul.

Jaama ristviilkatussõga päähoonõq om kolmõosalinõon kolmeosaline. Umaperäline vällänägemine om tävveligult alalõ.

Palang ja kõrdategemine[toimõndaq | toimõndaq lätteteksti]

2000. aastagas oll' hoonõq kehvän saison ni tahtsõ kõvvõ kõrdategemist, tuuga olliq nõun Edelaraudtii ja Tarto liin nõun, a kumbki es tahaq hoonõht är ostaq. 2003. aastaga süküskuun ost' huunõ firma Elikante. Aastidõ joosul maia veidükese kõpitsõdi, a sõitjil õks uutmiskotust es olõq.

2006. aastaga 31. põimukuu pääväl pandi raudtiijaama hoonõq palama. Aastak aigu ildampa võeti nä kinniq.

Maja kõrdategemine nakas vinüma, mitu kõrda tougati tähtaiga edesi: 2007. aastaga jaanipäiv, 2008. aastaga lõpp, 2011. aastaga kevväi jt.

Hoonõq saiõ pruukmisluba 2012. aastaga 20. hainakuu pääväl ni 25. hainaku pääväl, pia 6 aastakka päält palangut tetti ka sõitjilõ vallalõ.

Pilte[toimõndaq | toimõndaq lätteteksti]

Jaamahoonõq perroonõ puult
Perrooniq 2012
2TE116 Tarto raudtiijaaman 2005. aastaga põimukuun
Edelaraudtee reisirong (DR1Bj) Tarto raudtiijaaman. 16. vahtsõaastakuu päiv 2010
Põrõldnõ Tarto raudtiijaama viitorn om ehitet 1950. aastil
Keedüvii majakõnõ ehitedi päält tõist ilmasõta
Inneskine sissepäsemine raudtii alaq tunnelihe
Sissepäsemine raudtii ala tunnelihe
Jalakäüjide tunnõl'
Tunnõlin om invanõstuk
Tarto raudtiijaama uutmissaal 2012. aastagal
Tarto raudtiijaama kõrda tett lagi 2012. aastagal
Tarto raudtiijaama vahtsõst kõrda tett uutmissaal 2013. aastagal
Uutmissaal
C36-7i-1540 Tarto raudtiijaaman 2013. aastaga suvõl
Püürdsild
Tarto depoo