Sirvikallendri

Läteq: Wikipedia

Sirvikallendri (Maavalla kallendri, sirvilavvaq, sirviq) om kallendri, midä tarvitasõq eesti maausolidsõq. Aoarvamisõ alostusõs om võet nn. Billingeni katastruuf, mink toimumisõ aig om Roodsin viirsavi meetodi perrä aastagalidsõ täpsüsega kimmäs tett. Kallendri kuunimeq, pühäq ja tähtpääväq nink kuusaisõ kõrd om perit õnnõ maarahva perimüsest. Pühhi–tähtpäivi valigu puhul om põhilidsõlt jääd noidõ mano, mink maausolinõ tähendüs ja kumbõq ommaq teedäq. Erändis ommaq tõnnipäiv (7. joulukuu päiv) ja kollõtamispäiv (14. rehekuu päiv), mink kotsilõ olõ-i määntsitki kumbit teedäq.

Aastaga jagamisõl om alossõs võet harilik kallendri 12 kuu ja 7–päävälidse nädäliga. Kuiõ nimeq ommaq võeduq maakiili murdist. Maakeelitsit kuunimmi om pall'o ja esiq paigon ommaq nääq esiqsugudsõq. Näütüses süäkuus om nimitet nii aastaga edimäst ku tõist kuud. Sirvikallendrin om vällä pakut õnnõ üts võimalik valik maakeelitsit kuunimmi.

Sirve vällä annõdiq edimäle vällä päämidselt käsitrükün (linuul- ja siiditrükk, ildampa viil valguskoopiaq). Perämäidsil aastagil ommaq sirviq ilmunuq trükün.

Sirvikallendrit and parhilla vällä Maavalla Koda.

Kuuq sirvikallendrin[toimõndaq | toimõndaq lätteteksti]

  1. sydakuu
  2. radokuu
  3. urbekuu
  4. mahlakuu
  5. lehekuu
  6. leedokuu
  7. heinakuu
  8. lõikuskuu
  9. sygiskuu
  10. porikuu
  11. kooljakuu
  12. jõulukuu

Kaeq viil[toimõndaq | toimõndaq lätteteksti]

Välislink[toimõndaq | toimõndaq lätteteksti]