Plaksi külä

Läteq: Wikipedia
Jump to navigation Jump to search

Plaksi külä om külä Võro maakunnan Rõugõ vallan (inne 2018. aastakka Haani vallan). Parhilla eläs Plaksil alalidsõlt 17 inemist.

Kotus[toimõndaq | toimõndaq lätteteksti]

Suurõ Munamäe mant om Plaksi küllä mäealotsõst inämb-vähämb 800 miitret maad. Plaksi külä lähkün ommavaq Haani, Villa, Purka ja Hallimäe küläq. Plaksi külä jääs suurõstõ katõ järve vaihõlõ. Üts näist om Tuuljärv (ka Suur Plaksi järv), miä om Eesti kõgõ korgõmbal asuv järv, ja tõõnõ om Vaskna järv. Plaksi külä om Haani korgustigun ja tuuperäst om sääl ka pall'o suuri mäki. Näütüses om Plaksi külän kolmas Eesti korgõmb mägi Kerekunnu mägi ja suurõmb osa korgusõlt neländäst mäest, Tsälbämäest. Parhilla om Kerekunnu, miä kooni 1977. aastagani oll' umaette külä, Plaksi lõunõhummogu-poolinõ osa[1].

Nimi[toimõndaq | toimõndaq lätteteksti]

1684. aastaga kaardi päält om nätäq, et Plaksi kotussõ pääl oll' joba sõs Kubija külä. Plaksi külä nimi või ollaq tulnuq edenimest; 1758. aastagast om tähendet kolm perremiist, kink lisanimi oll' Purricka Plaxi. Külä nimme või köütäq ka sõnaga plaks’ ’laks’ vai vinnekiilse sõnaga плакса ’piripill’.[1]

Lätteq[toimõndaq | toimõndaq lätteteksti]

  1. 1,0 1,1 Eesti kohanimeraamat. https://www.eki.ee/dict/knr/index.cgi?Q=plaksi&F=M&C06=et