Phong Nha-Ke Bangi riigipark

Läteq: Wikipedia
Phong Nha kooba ja maa-alodsõ jõõ suu

Phong Nha-Kẻ Bàngi riigipark (vietnami keelen Vườn quốc gia Phong Nha-Kẻ Bàng) om riigipark Vietnamin Quảng Bìnhi provintsin Hanoist 450 km lõunõ puul. Tä om karstialal, minkast 2000 km² om Vietnamin ja 2000 km² (Hin Namno piirkund) Laossõn. Riigipargi süämeala katt 857,54 km².

Park luudi tuu jaos, et kaitsaq ütte maailma katõst kõgõ suurõmbast karstialast nink niisamatõ Vietnami keskosa rannigu mõtso kaitsõs. Pargin om 300 kuupa ja grotti kogopikkusõga umbõs 70 km, minkast õnnõ 20 ommaq läbi uuriduq Vietnami ja Briti tiidläisil; noist 17 ommaq Phong Nha piirkunnan ja kolm Ke Bangi piirkunnan. Phong Nhan om maailma kõgõ pikemb maa-alonõ jõgi.

Aastagast 2003 kuulus tä UNESCO maailmaperändi nimekirja.