2023. aastaga Riigikogo valimisõq

2023. aastaga Riigikogo valimisõq olliq XV Riigikogo kõrralidsõq valimisõq 2023. aastagal. Valimispäiv oll' 5. urbõkuud, hellü sai andaq ka kuus' päivä inne tuud. Välämaal olõjaq Eesti kuakundlasõq sai helü andaq Eesti saatkunnõn inne valimispäivä.

Valimidsõq võit' Rehvormieräkund, kiä sai 31,2% hellest ja sai 37 kotust Riigikogon. Tõõsõs tull' EKRE, kiä sai 16,1% hellest ja 17 kotust Riigikogon. Kolmanda tulõmusõ tekk' Keskeräkund, kiä sai 15,3% hellest ja 16 kotust Riigikogon. Edimäst kõrd sai Riigikokko eräkund Eesti 200, kiä sai 13,3% hellest ja sai 14 kotust. Sotsiaaldemokraadiq saiq 9,3% hellest ja 9 kotust ni Esämaa sai 8,2% hellest ja 8 kotust Riigikogon.

Valimissüsteem

Riigikogo 101 liigõnd valitas võrdõlidsõ valimissüsteemigaq 12 mitmõ mandaadigaq valimispiirkunnan. Saadigukotussit jaetas D'Hondti meetodi muudõdu versioonigaq. Eräkunnaq piät parlamenti saamisõs üle saama üleriigilitsest 5% valimislävest. Ütsiguq kandidaadiq saavaq valitus, ku näide helle arv om üle lihtkvoodi (saias, ku valimispiirkunnan annõduq masvaq helüq jaetas mandaatõ arvugaq valimispiirkunnan) või om lihtkvoodigaq võrdnõ.

Valimispiirkunnaq

valimispiirkund nr 1 (Talliina Haabersti, Põh'a-Talliina ja Kristiine liinaosa) – 10 mandaati;
valimispiirkund nr 2 (Talliina Keskliina, Lasnamäe ja Pirita liinaosa) – 13 mandaati;
valimispiirkund nr 3 (Talliina Mustamäe ja Nõmme liinaosa) – 8 mandaati;
valimispiirkund nr 4 (Harjo- ja Raplamaa) – 16 mandaati;
valimispiirkund nr 5 (Hiio-, Lääne- ja Saarõmaa) – 6 mandaati;
valimispiirkund nr 6 (Õdagu-Viromaa) – 5 mandaati;
valimispiirkund nr 7 (Hummogu-Viromaa) – 6 mandaati;
valimispiirkund nr 8 (Järvä- ja Viländimaa) – 7 mandaati;
valimispiirkund nr 9 (Jõgõva- ja Tartomaa) – 7 mandaati;
valimispiirkund nr 10 (Tarto liin) – 8 mandaati;
valimispiirkund nr 11 (Võro-, Valga- ja Põlvamaa) – 8 mandaati;
valimispiirkund nr 12 (Pärnomaa) – 7 mandaati.

Kandidaadiq

Riigikogo valimiisil oli kandiiirimisõigus Eesti kuakundlaisil, kiä olliq registriirmise lõpptähtaos (24. vahtsõaastakuu päiv 2023) vähämbält 21 aastakka vanaq ja es olõq valimisõigusõ a'san tunnistõt teovõimetuks, tegeväqväeläseq egaq kohtun kuriteon süüdü mõistõt ja vanglakaristust kandman. Kandidiiriq võidsõq ummi nimekirjogaq eräkunnaq, miä olliq registrihe kannõduq vähämbält 90 päivä inne valimispäivä, ja ütsiguqkandidaadiq. Kandidatuuri võidsõ üles säädiq õnnõ üte eräkunna nimekirän ja üten valimispiirkunnan.

Riigikogo valimiisist ossa võtmisõs panti kirjä 9 eräkuna ja 10 ütsikut kandidaati, kink registriirmisnumbrõq ja järekõrd tetti kimmäs liisuhiitmisegaq:

Eräkund Hääpoolidsõq (edenummõr' Perlingu Lavly, kokko 125 kandidaati)
Eräkund Eestimaa Rohilidsõq (edenummõr' Tõugu Johanna Maria, 58 kandidaati)
Esämaa Eräkund (edenummõr' Siidri Helir-Valdor, 125 kandidaati)
Sotsiaaldemokraatlik Eräkund (edenummõr' Läänemetsä Lauri, 125 kandidaati)
Eesti Konsõrvatiivnõ Rahvaerakond (edenummõr' Helme Martin, 125 kandidaati)
Eräkund Eesti 200 (edenummõr' Hussari Lauri, 125 kandidaati)
Eesti Rehvormieräkund (edenummõr' Kalda Kaja, 125 kandidaati)
Eesti Keskeräkund (edenummõr' Ratta Jüri, 125 kandidaati)
Eestimaa Ütistet Kurapartei (edenummõr' Igor Rosenfeldi Igor, 25 kandidaati)

Ütsiguqkandidaadiq: Paulusõ Teho (valimispiirkund nr 6), Kookmaa Alar (4), Laiapea Andres (8), Nurmbergi Indrek Nicholas (1), Stalnuhhini Mihhail (7), Kalde Tarmo (6), Mõttusõ Argo (11), Radvilavičiusõ Vladas (4), Kookmaa Vello (4), Svjatušenko Sergei (2).

Tulõmusõq

Riigikogo valimiisist võtt' 966 129-st helüõigusõga inemiisist ossa 613 801 inemist, miä om 63,7% valijist. Näist 312 181 and' uma helü puutrigaq (51%). 301 620 inemist and' uma helü paprõ pääl (49%), näist 3502 loetiq tühäs vai tsurgitus ja es massaq midägiq (1.16% pabersedeliga antud häältest). Tühi oll' ka üts e-helü.

5% lävi oll' 30515,3 häält, minkast sai üle 6 eräkunda.

Eräkund		Helle	%	+/-	Mandaatõ	+/-
2023. astaga Riigikogo valimiisi tulõmusõq
	Eesti Rehvormieräkund	190 659	31,2%	+2,3%	37	+3
	Eesti Konsõrvatiivnõ Rahvaeräkund	97 959	16,1%	-1,7%	17	-2
	Eesti Keskeräkund	93 243	15,3%	-7,8%	16	-10
	Eesti 200	81 347	13,3%	+8,9%	14	+14
	Sotsiaaldemokraatlik Eräkund	56 578	9,3%	-0,5%	9	-1
	Esämaa Eräkund	50 114	8,2%	-3,2%	8	-4
5% lävi: 30 515,9 hellü
	Eestimaa Ütistet Kurapartei	14 607	2,4%	+2,3%	0	—
	Eräkund Hääpoolidsõq	14 035	2,3%	—	0	—
	Eräkund Eestimaa Rohilidsõq	5889	1,0%	-0,8%	0	—
	Ütsiguq kandidaadiq	5887	1,0%	—	0	—
Kokko		610 318	100,0%		101

Lätteq

Välälingiq

Valimisprogrammiq