Ubina Juhan

Ubina Juhan 2022

Ubina Juhan (Juhan-Henrik Uppin, sündünüq 28. märtekuu pääväl 1984) om Teppo lõõdsa ja tõisi rahvapille (karmoška, väikukandlõ, kromaatilidsõ kandlõ, rahvakannõl, mõhnaravvakandlõ, kitra, mandoliini, tinavile) mängjä. Toimõndas ütsindä ja üten ansambligaq (ansambliq Tuulelõõtsutajad ja Rüüt). Oll' Tal'na Televisiooni popi saatõ "Rahvalõõts" saatõjuht.

Uppin mäng paigapäälitside pillimeistride pille pääl, tihtsäle Teppo Augusti ja Sarniti Kalju lõõtso pääl. Viil mõist tä mängiq terven maailman esiqerälist Tähnase Aksli mõhnaravvakannõld.

Uppin om Tal'na Lõõdsaklubi asotaja, lõõdsaoppaja, laulu- ja tandsupido man olõva Rahvamuusigapido iistvitäi. Ubina Juhan uur doktoriopmiisiga traditsioonilist mängoviit. Varrampa uur' tä ummi magistriopmiisiga Kikka Karli loomingut.

Diskograafia

• Juhan Uppin August Teppo lõõtsal (2002)
• Lõõtsakuningad. Juhan Uppin ja Aivar Teppo (2002)
• Tuulelõõtsutajad (2006) – ansambli Tuulelõõtsutajad
• Lõõtspill naljatab (2007)
• Veidi enam kui rahvalik (2009)
• Inseneride Meeskoor ja Tuulelõõtsutajad (2014) – ansambli Tuulelõõtsutajad ja Inseneride Meeskoor
• Maasikille (2015) – ansambli Rüüt
• Kadakad (2017) – ansambli Rüüt
• Pikk lugu (2018)
• Päkarauakannel (2019)
• Arvo Pärt. Ukuaru valss (2020)
• Elumere lained (2021) – ansambli Tuulelõõtsutajad, plaat 20. toimõndamisaastaga tähüstämises.

Kitmiseq

• 2001 Teppo lõõtso võikimängmise nuuri vannusõklassi I kotus; 2003, 2004, 2005, 2006 ni 2007 Teppo lõõtso võikimängmise "tuusõ" klassi I kotus. Kolmõkõrdnõ tuusõ klassi võitja sai lõõdsakuninga tiitli.
• 2014 Eesti Kultuurkapitali rahvakultuuri tsihtkapitali aastagapreemiä (üten Karrase Pille, Laasi Kristeli, Põldri Jaanussõ, Tartese Heino ja Visla Enrikuga; õnnõstunuq rahvamuusiga suurõpido „Pillipido“ iist)
• 2017 Eesti Kultuurkapitali rahvakultuuri tsihtkapitali aastapreemiä (rahvamuusiga aastagapreemiä rahvamuusigapido luumisjuhilõ)
• 2018 Vabariigi Pillimiis (9. märtekuu pääväl 2018 Viländin, Perimüsmuusiga Aidan aoluu edimäne Vabariigi Pillimees)
• 2019 Eesti Kultuurkapitali rahvakultuuri tsihtkapitali aastagapreemiä (rahvamuusiga aastagapreemiä rahvamuusigapido loomingulidsõ juhtmisõ iist ja perimüsmuusiga tähtsäspidämise ja jovvutamisõ eest ede- ja tagalava pääl)

Eräelo

Ubina Juhani esä om ärimiis Ubina Jüri. Juhani sõsar om tantsja ja koreograaf Ubina-Sarvõ Maria.

Juhani juurõq küünüseq Valga kanti Vanal Võromaal. Võru keelen tä ei kõnõlõq, a arvu saa.