Teppo August

Läteq: Wikipedia

Teppo August August Teppo
Sündünüq	29. põimukuu päiv 1875 Loosu külä, Põlva kihlkund
Koolnuq	7. joulukuu päiv 1959
Ammõt	lõõtspillimeistre

Teppo August (August Teppo, 1875-1959) om Eesti kõgõ kuulsamb lõõtspillimeistre. Tä sündü 29. põimukuu pääväl 1875 Põlva kihlkunnan Loosu külän Tigassõ talon. Pillimängo naas' tä op'ma 8-aastagadsõlt vanõmba vele Aleksandri käest. 12 aastaga vanotsõlt alost' pille parandamist. Otsast lõponi tekk' tä edimädse pilli valmis 15- vai 17-aastagadsõlt, pille meisterd' tä säidsekümmend aastakka umast elost põhitüü - talotüü - kõrvalt. Arvadas, et tuu aoga tekk' tä 120-200 pilli, pääle tuu viil pilliq, minka korpusõ teiväq tõsõq, a ravvaq pand' sisse timä. Niinimetet Teppo pilliq ommaq väega kvaliteetseq ja pillimiihi hulgan hinnaduq. Aastagasaa vaihtusõl ollõv timä pilliq massnuvaq 80-85 ruublit, miä oll' nelä tüühobõsõ hind.

August kuuli 7. joulukuu pääväl 1959.

[toimõndaq] Kirändüs

• Teppo pille kotsilõ või lukõq artiklist "Lõõtspillimeister August Teppo fenomen", Tarmo Noormaa, "Teater. Muusika. Kino" 11, 2005

[toimõndaq] Mälehtüse hoitminõ

• Mälehtüskivi Teppo Augusti kodotalo (Tigasõ talo) man Loosu külän
• Egasuvitsõl Võro Folkloorifestivälil peetäs Teppo Augusti avvos maaha lõõdsamängjide võikimängmine.