Hulkõ kogo

Hulkõ kogo vai hulkõ summa om matõmaatikan sääne hulk, kon ommaq kõik as'aq (eloniguq), miä ommaq noin hulgõn ja ei midägi muud.

Välläseletüs

Hulkõ A ja B kogo

Hulkõ A ja B kogo om hulk $A\cup B$, kohe kuulusõq kõik as'aq, miä ommaq kas hulga A eloniguq vai hulga B eloniguq. Tuu tähendäs, et

$A\cup B = \{ x\mid x\in A\; \mathrm{ vai } \; x\in B\}$.

Ületsembält, hulkõ $A_i, i\in I$, kon I om määnegi hulk, kogo om hulk $\bigcup_{i\in I}A_i$, kohe kuulusõq kõik as'aq, miä kuulusõq vähämbält ütte hulgõst $A_i, i\in I$. Tuu tähendäs, et

$\bigcup_{i\in I} A_{i} = \{ x \mid \exists j\in I: x\in A_j \}$.

Hulkõ kogo löüdmist nimitedäs näide kokkoarvamisõs. Katõ hulga kokkoarvamisõ arvang $A\cup B$ üte kimmä hulga X alamhulkõ hulga $\mathcal{P}(X)$ pääl om tuu hulga $\mathcal{P}(X)$ katõhaardja umaarvang.

Näütüseq

• Tsiko hulk om immisside, kultõ, orikidõ ja põrssidõ hulkõ kogo.
• Reaalarvõ hulk om jagoarvõ hulga ja irratsionaalarvõ hulga kogo.

Kaeq viil

• Ütine osa
• Hulgaarvang