Varudi-Altküla Hiiekivi
Varudi-Altküla Hiiekivi (kutsut ka nimega Suurkivi) om pühä kivi Viru-Nigula kihlkunna Varudi-Altküla külän.
Kultuuriministri Hartmani Piret tunnist' 2023. aastaga 5. radokuu pääväl Varudi-Altküla Hiiekivi kultuurimälehtüses.[1][2]
Om teedäq, et kivvi om pühäs peet vähämbäste 19. aastagasaal, a arvadaq om, et kivvi om pühäs kotussõs pruugit kavva aigo inne tuud, selle et vanno juttõ perrä om kivi avitanuq soendis kävvüq. Soendiusk oll' Eesti- ni Liivimaal kõgõ kõvõmb 16.–17. aastagasaal.[1]
Arhiiven om olõman kats perimüsteedüst, miä kivist kõnõlõsõq ja mink perrä om kivi man ant andõ ja kivi om avitanuq inemiisil soendis kävvüq. Vanõmba ja pikemä teedüse perrä käveq kats naist õdagu kivi man, et saiaq soendis käümise jaos soenahaq. Nahaq and' näile hall' vanamiis kivi alt. Hummogu lätsiq naasõq kivi mano ja pandsõq nahaq kivi mano, kost nuuq ärq kattõq.[2]
Lätteq[toimõndaq | toimõndaq lätteteksti]
- ↑ 1,0 1,1 Riik võttis kaitse alla kolm ajaloolist looduslikku pühapaika ning Tartu Põhjasõja-aegse kalmistu. Kultuuriministeeriumi pressiteedüs, 13.2.2023.
- ↑ 2,0 2,1 Ohvrikivi Suurkivi/Hiiekivi kultuurimälestiseks tunnistamine. Kultuuriministri käskkiri, 5.2.2023 nr 37.