Vana-Nursi luurõkuul

Vana-Nursi luurõ- ja diversioonikuul "Malepartus" asutõdi 1942. aasta hainakuun. Tuud kõrrald' Abwehri komando nr 204. Kooli ülembäs oll' leitnant Zinke, tõõsõ nimega Ernst Anderson.

"Malepartus" koolin opjaq olliq valituq Kingissepä, Talliina ja Valga vangilaagridõlõ pantudõ siäst. Inämbüste olliq nimäq vindläseq. Kõrraga opjit oll' ligi 100, tuu oll' jaotõt kolmõ rühmä ja edesi grupõs. Kursusõ pikkus oll' 1–2 kuud.

Kõgõ tähtsämb oppus oll' lõhkõainidõga, sütikidega jne. Pääle tuu rivioppus, võimlõmine, püssest laskminõ, kaardi tundminõ. Harjutõdi kuuntüüd diversioonigrupin, tunnimehe maahavõtmist. Oppusõ jaos ehitedi huunidõ, sildu ja muiõ asjo makette.

1943. aasta radokuun anti opilaisilõ valgõ käepaila tekstiga "Im Dienst der Bundeswehr" ja Zinke allkiräga tunnistus, et inemine eläs "Malepartusõ" laagrin, timäl om lubatu kolmapäävä ja pühäpäävä 13.00–17.00 kävvü laagrist 2 km ümbretsõõri tallõn.

Pääle kooli lõpõtamist jaotadi agendiq 3–12 kaupa grupõs, nimä saivaq nõvvokogo sõaväe vormi ja relvaq ja saadõti Pihkvalõ Abwehri komando nr. 204 mano, kon suunati, kohe vaia.

Seletädäs, et "Malepartusõ" koolin opjidõ siän oll' vene luuraja Viktor Lomov (1922–1957).

1943 piimäkuun panti Vana-Nursi luurõkuul kokko Vihula saändsesama kooliga, edesi liiksõ tegemine Petserimaalõ, Lätti ja Pärnumaalõ, lõpõtusõs 1945 rindega üten Saksamaalõ.

Kaeq ka

• Vana-Nursi suurtüküpatarei
• Vana-Nursi tangipolk

Lätteq

• Сергей Чуев: Спецслужбы Третьего Рейха: Книга 1
• https://www.ra.ee/wp-content/uploads/2017/03/