Tsooru

Pindala: 6,8 km² (2020)^[1]
Elänikke: 192 (31. joulukuu 2021)^[2]

koordinaadiq: 57°45' N 26°39' E

Tsooru om külä Võromaal Rõugõ kihlkunnan, Antsla vallan.

Külän elli 2017. aastal 217 inemist.^[3]

Tsoorust Antslalõ om Antsla–Sännä tiid piten 14 km, Sännäle päält 8 km.

Külä nimi

1419 oll' külä nimi Tzoro, 1627 Zoor kulla, 1638 Zorakyllo, 1796 Zoro Moisa, 1909 Zooru.^[4]

Tsooru küla nimi kõneldes tulevat tuust, et alt lätt läbi tsoru, väike oja.^[5]

Tsooru mõisa

Loeq mõisa kotsalõ lähembält tast.

Tsooru mõisa (s'aksa keelen Fierenhof) oll' Võromaal Rõugõ kihlkunnan asunuq rüütlimõisa. Ümbrekaotnõ rahvas ütles ka põrõld Tsuuru minemise kotsalõ, et minnäs mõisalõ. Mõisast olõ-õi midä alalõ jäänüq. Seo ilma aigu jääs mõisa Antsla valda.

Tsooru mõisa saiõ nime ujatsori perrä, midä kutsuti Zoro ujas.^[6]

Edimäne ülestähendüs mõisast om joq 1516. aastagast.^[7]

Tsooru mõisapark

Loeq mõisapargi kotsalõ lähembält tast.

Tsooru mõisapargin kasus üts' Eesti korgõmbit lõhmussit.^[8]

Ütel maahavõetul jalajal oll' 123 kasvotsõõri, tõsõl 121.^[9]

Kultuur

Tsooru rahvamajan peetäs mälomängoturniirõ, egä nätäl saa kävvüq ka aeroobigan, kunstitsõõrin, näütemängotsõõrin, laulotsõõrin ja rahvatantsu tandsman.^[10]

Talliina Liinatiatrin kutstas Tsoorus rekvisiidi tarrõ.

Luudus

Tsoorust läbi sõitaq om nätäq Tsooru paisjärv. Järve suurus om 4 hektääri ni sääl om üts' saar'.^[11]

Tsooru järve tammi man oll' mõisa aol viinavabrik.^[12]

Nõvvokogo aol järv kaibõti süvembäs.^[13]

Ehitüseq

1949–1989 oll' Tsoorun Jakov Sverdlovi nimelidse kolhoosi keskus. 1977. aastagal saiõ valmis arhitekt Reinu Toomasõ projektiirit Tsooru kolhoosikeskus, miä on kannõt riikõvaihõlidsõ muudsa ehitüskunsti kaitsõ ütisüse DOCOMOMO nimistüle. Kolhoosikeskusõ kotusõ pääl oll' inne aid mar'apuhmigaq.

Tsoorul oll' pikkä aiga kats' puuti kõrvuisi, Maarahva kaubamaja (rahvasuun ka Tammõ puut') ni A&O. Põrõld om alal õnnõ viimäne.

Tsoorun om 19. aastagasaast saadik tuulõveski.^[14]

Antsla valla 2021. aastaga tiihoiukavva kirotõdi Tsooru kergliiklõmistii projektiiŕmine.^[15]

Kuulsambit inemiisi

Kaarma Melanie (sündünüq Lõhmusõ Kaarma) – rahvarõivide uuŕja
Korneli Karl – poliitik, aokiränik
Maltenegi Evald – teknigatiidläne
Otema Susanna (sündünüq Lõhmusõ Susanna) – savitüükunstnik
Pedajasõ Milli-Irene (sündünüq Ploompuu Milli-Irene) – oppamistiidläne

Kaeq viil

Tsooru kandi koduleht

Lätteq

[1] Maa-amet, vaadatud 21. märtekuu 2020

[2] Statistikaameti statistika andmebaas, vaadatud 25. põimukuu 2024

[3] ttps://www.envir.ee/sites/default/files/2017_rahvaarv.pdf

[4] ttp://www.eki.ee/dict/knr/index.cgi?Q=Tsooru

[5] ttp://www.folklore.ee/lepp/rouge/?sel_id=26

[6] ttp://tsoorukant.planet.ee/kylaleht/Kylaleht%20nr%20141.pdf

[7] ttp://www.ra.ee/apps/andmed/index.php/eestimoisad/view?id=342

[8] ttps://dea.digar.ee/cgi-bin/dea?a=d&d=vorumaateataja20160609.2.11.2

[9] ttps://dea.digar.ee/cgi-bin/dea?a=d&d=vorumaateataja20160609.2.11.2

[10] ttp://tsoorukant.planet.ee/?pgid=26

[11] ttp://tsoorukant.planet.ee/kylaleht/Kylaleht%20nr%20141.pdf

[12] ttp://tsoorukant.planet.ee/kylaleht/Kylaleht%20nr%20141.pdf

[13] ttp://tsoorukant.planet.ee/kylaleht/Kylaleht%20nr%20141.pdf

[14] ttps://register.muinas.ee/public.php?menuID=archivalmaterial&action=view&id=6187

[15] ttp://tsoorukant.planet.ee/kylaleht/Kylaleht%20nr%20142.pdf

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]