Tarto obsõrvatoorium
Tarto Obsõrvatoorium om tiidüs- ja arõndusammõt´ astronoomia ja Maa õhukihi füüsiga vallan, Tarto Ülikooli kuunsaisun. Obsõrvatoorium om Tarto maakunnan Nõo vallan Tõraveren ja om tuuperäst tunnõt ka ku Tõravere obsõrvatoorium.
Tarto Obsõrvatoorium om 1808. aastal luudu Tarto Ülikooli Tähetorni 1856. aastal luudu Tarto Ülikooli meteoroloogia obsõrvatooriumi perrätulija ja tüü jakkaja.
Obsõrvatooriumi ammõtlinõ nimi om Tarto Ülikooli Tarto Obsõrvatoorium ja käü Tarto Ülikooli luudus- ja täpsätiidüse ütsüse mano.
Tarto Obsõrvatooriumin ommaq astronoomia, kavvõstkaemisõ ja ilmaruumiteknoloogia osakunnaq.
Kõgõ tähtsämbäq uurmistsihiq astronoomian ommaq tähefüüsiga, kosmoloogia, tähekogo füüsiga, kavvõstkaeminõ, viikokõ kaeminõ, Maa õhukihi kaeminõ ja radarkaeminõ. Ilmaruumiteknoloogian ommaq tähtsämbäq vahtsidõ säädmide projektiirimine, ehitämine ja pruuvminõ.
Tarto obsõrvatooriumi tiidläseq ommaq projekte ESTCube-1 ja ESTCube-2 nõvvuandjaq.