Sillamaa Kaari
Sillamaa Kaari (sündünüq 27. kaarnakuu pääväl 1955 Talliinan) om eesti viiemeistre, laulusõnno kirotaja ni muusigaoppaja.
Elokäük
[toimõndaq | toimõndaq lätteteksti]Sillamaa Kaari lõpõt’ 1980. aastagal Talliina Riikligu Konservatooriumi muusigaoppaja ala pääl. Perän tuud sai tä Kehrä Muusigakooli direktris ni oll’ tuudaigo kõgõ noorõmb Nõvvokogo Eesti koolidirektri. Kümme aastakku (1984–1994) tüüt’ latsi opitiatri Colombina, kon Sillamaa oll’ üts’ asotaja ni kunstilinõ juht’. 1994. aastagul luudi Leinatammõ Tarmo ettepanõgi pääle Latsi Ilosidõ Kunstõ Kuul (eesti keelen Laste Kaunite Kunstide Kool), mink direktris sai Sillamaa Kaari. Täämbädsel pääväl kand kuul Sillamaa nimme.
Looming
[toimõndaq | toimõndaq lätteteksti]Sillamaa Kaari om kirotanuq üle 40 latsi- ja nuurimuusikali libreto ni/vai muusiga ni kats’ oratooriummi. Tä om kirotanuq synaq umbõs 800 laululõ, sh “On küll hilja” ni “Neiu mustas kleidis” (autor Targo Mikk), “Kaelakee hääl” (autor Pajusaarõ Priit), “Keelatud maa” (autor Kallaste Harmo). Lisas om tä eesti kiilde ümbre pandnuq vai toimõndanuq muusikallõ, näütüses “Oliver!” ni “West Side Story”.
Eräslist
[toimõndaq | toimõndaq lätteteksti]Timä latsõq ommaq Sillamaa Janika, Sillamaa Virgo ni Reisneri Franck. Tä om olnuq abielon Sillamaa Ivo ni Reisneri Indrekuga.