Sabbe Rudolf

Sabbe Rudolf (Rudolf Sabbe, 1894-1934) oll' sõamiis, vabahusristi saaja. Tä oll' Sabbe Augusti veli.

Elokäük

Sabbe Rudolf sündü 1894. a. Rõugõ kihlkunnan Pindi vallan Paidra külän Palo (Paidra-Palo) talon. Tä oll' ummi vanõmbidõ, talopidäjä Jaani ja timä naasõ Katri edimäne lats. Pääle paiklikku kuuli lõpõt' tä Võro liinakooli ja Petrogradi lipnikkõkooli. Võtt' ossa Edimädsest ilmasõast ja Vabahussõast. Joud' kaptõni avvoastmõniq, oll' kompanii ja pataljoniülemb. Sõan sai kats kõrda haavatus. Vabahussõan üles näüdät vaprusõ iist sai vabahusristi. Pääle sõta läts' reservi ja tüüt' Valga maakunnan politseinigun. Kuuli 1934. a. Valga maakunnan tubõrkuloosi kätte.

Pereh

• Esä: Sabbe Jaan (1866-1930), talopidäjä
• Imä: Sabbe Katri (kuuli 1944)
• Sõsaraq-veleq:
  • Sabbe August (1909-1978), mõtsaveli
  • Sabbe Heinrich (kuuli 1919), sõamiis
  • Sabbe Hilda (kuuli 1931)

Haridus

• Võro liinakuul
• Petrogradi lipnikkõkuul

Tunnustusõq

• Vabahusrist

Kirändüs

• "August Sabbe - saladuslik mees", Randma Harri, Esko Enn, kogomikun "Mineviku mälestusi 3", Põlva, 2005