Ruhnu

Läteq: Wikipedia
Ruhnu keriguq

Ruhnu (roodsi ja saksa keelen Runö, rannaroodsi keelen Ru:n (hääldus rũũn), soomõ keelen 19. aastagasaal Runosaari) om saar Liivi lahen. Ruhnu saar om Saarõ maakunnan ja tege tõisi vähämbide laidõga esiqsaisja Ruhnu valla.

Saarõ pindala om 11,88 km², pikkus 5,5 ja lakjus 3,5 km. Kõgõ lähämb kotus mandri pääl om 37 km kavvõn Kolka nõna Kuramaal Lätin. Kurõssaardõ om õkva 70, Pärnohe 96, Kihno 54 km ja Riiga 96 km.

Ruhnu puukerik om kõgõ vanõmb alalõ hoitunu puuhoonõq Eestin. Ruhnu tulõtorn om Eesti kõgõ lõunõpoolitsõmb tulõtorn.

Mandrilõ ja mandrilt saarõ pääle saa Ringsu sadamast ja Ruhnu linnuvälä kaudu.