Rämm

Rämm

Rämmi mar'aq (kural puul) kõrvuisi mõtsmaasiga (hüäl puul) ja aidmaasiga (kesken) marjoga.

Rämm om maasiga hainoperre sort. Rämmi kasus mõtsikult üle Eesti, a inämb om tedä mereveeritside hainamaiõ pääl. Lõunõ-Eestist om rämmi hulga harvõmb löüdäq. Rämm kasus inämbüisi kuiva ja lubjadsõ maa pääl. Rämmi mar'aq ommaq mõtsmaasikast makõmbaq ja esiqsugumadsõ maigu ni hõnguga.

Mar'a nimest

Mar'a võrokeeline nimi rämm om peri Harglõ kihlkunnast.

Seto keelen kutsutas rämmi - pokk (mitm. pokaq) ja eesti keelen muulukas, a soomõ keelen karvamansikka.