Pöörüs

Pöörüs vai püürüs om köögiriist, midä pruugiti vai pruugitas söögikraami vatulõ ajamisõs. Pöörüst võinuq pitäq vispli ja miksri iinkäüjäs. Pöörüssegaq tettiq kõik magusaq söögiq.

Pöörüs tetti kuusõpuust. Tull' kaiaq, et haroq olnuq kasunuq inämb-vähämb üttemuudu. Taheti säänest, mil rohkõmb harrõ olõsiq. Hää oll' ka kaiaq joulukuust – kon oll' pall'o harrõ, tuust sai hää pöörüs. Pöörüs painutõdas tuurõlt nöörikese vai pailagaq. Sis vars kooritas, tetäs väidsega tasatsõs.