Metalmuusiga
Heavy metal muusiga, metalmuusiga vai ka lihtsält metal om rokkmuusiga liik, minkalõ om loomulik rassõ kõla ja kõvva moonutõduq kitraq, pikäq kitrasooloq, kõvahus ja sagõhe tummõq laulusõnaq.
Metalansambliin ommaq hariligult eelektrikitramängjä(q), basskitramängjä, trummilüüjä ja laulja, kuigiq sagõhe om pundin viil klahvpillimängjä ja näütüses folkmetali ansambliin ka viioli-, lõõtspilli- vai muu pilli mängjä.
Aolugu
[toimõndaq | toimõndaq lätteteksti]Metalmuusiga sai algusõ 1960. aastagidõ lõpun Ütiskuningriigin ja Ameeriga Ütisriigen. Edimädseq ansambliq ollivaq Inglüsmaalt peri Led Zeppelin, Black Sabbath ja Deep Purple; stiili jovvudiq '70. aastagil viil niisamatõ inglüse ansambliq Judas Priest, Motörhead ja Iron Maiden.
'80. aastagil sai populaarsõs stiilis glam metal (Mötley Crüe ja Poison USAst). Underground-ringkunnõn tekküq ka ekstriimsembäq ja agrõssiivsõmbaq stiiliq: thrash metal murd' päävuulu (Metallica, Megadeth, Slayer ja Anthrax; kõik USAst), a death ja black metal jäiväq subkultuurilidsõs nätüsses.
'90. aastagidõ keskpaigan saivaq populaarsõs stiiliq niguq nu metal (kon om pall'o grunge ja hiphopi juuni) ja metalcore (miä segäsi ekstreemmetalli hardcore-pungiga).
Alamsanriq
[toimõndaq | toimõndaq lätteteksti]Aastagidõ joosul om metalmuusiga ütsiotsõ arõnuq ja laembas lännüq ni seo ilma aigo nimetedäs metalis väega mitmõviisiliidsi alambstiile, miä võivaq üts'tõõsõst peris tõistsugudsõq ollaq. Alambsanrõ om pall'o ja ansambliq sagõhe mülläväq naid umavaihõl kokko.
- alternatiivmetal — näütüses Rage Against the Machine ja System of a Down (mõlõmbaq USA-st)
- black metal, "must metal" — varahasõmb Celtic Frost (Sveidsist), Mayhem (Norrast); Eestist näütüses Tharaphita
- simfoonilinõ black metal — Graveworm (Itaaliast), Dimmu Borgir (Norrast)
- death metal, "surmametal" — Possessed, Obituary, Morbid Angel, Cannibal Corpse (kõik USA-st), Vader (Poolast)
- meloodilinõ death metal — In Flames, At the Gates, Dark Tranquillity (kõik Roodsist), Children of Bodom (Soomõst)
- doom metal, "turmametal" — Candlemass (Roodsist); Eestist Taak
- folk metal, "rahvamuusiga metal" — Finntroll, Korpiklaani (mõlõmbaq Soomõst); Eestist Metsatöll
- glam metal, "glamuurimetal" — Twisted Sister, Poison, Mötley Crüe (kõik USA-st)
- gothic metal, "gooti metal" — Type O Negative (USA-st), Theatre of Tragedy, Tristania (mõlõmbaq Norrast)
- grindcore — Napalm Death (Inglüsmaalt), Anal Cunt (USA-st)
- industriaalmetal — KMFDM, Rammstein (mõlõmbaq S'aksamaalt), Ministry, Marilyn Manson (mõlõmbaq USA-st); Eestist No-Big-Silence
- metalcore — Earth Crisis, Killswitch Engage, As I Lay Dying (kõik USA-st)
- nu metal, "vahtsõnõ-metal" — Korn, Slipknot, Linkin Park (kõik USA-st)
- power metal, "võimsa metal" — Helloween, Blind Guardian (mõlõmbaq S'aksamaalt)
- progrõssiivnõ metal — Dream Theater (USA-st), Opeth (Roodsist), jaolt ka Uriah Heep (Inglüsmaalt)
- speed metal, "kipõ metal" — Accept (S'aksamaalt), Motörhead (Inglüsmaalt), Agent Steel (USA-st)
- simfoonilinõ metal — Therion (Roodsist), Rhapsody of Fire (Itaaliast), Nightwish (Soomõst), Within Temptation (Hollandist)
- thrash metal, "pesselejä metal" — Metallica, Anthrax, Slayer, Megadeth (kõik USA-st, tiit ku "Suur nelik")