Massinoppus

Läteq: Wikipedia
Jump to navigation Jump to search

Massinoppus vai massinopminõ om puutritiidüse haro, miä and puutriilõ opmisõ jovvu ilma näid õkva tuus programmiirmäldäq. Massinopminõ arõsi välla mustri ärq tundmisõst ni kunstmõistusõst. Massinopminõ uur algoritmõ, miä mõistvaq oppiq ni tetäq andmidõ perrä ettearvamist.

Massinopminõ jagonõs klassigalidsõlt kolmõs: juhit opminõ, juhtmaldaq opminõ ni meelütüsopminõ. Juhit opminõ om massinopmisõ ülesannõq, kon algoritm tulõtas mudõli tähüstedüide andmidõ perrä. Andmõq ommaq jaeduq triinmise ni testimise andmis. Triinmise andmõq ommaq mudõli tegemise jaos, hariligult 80% andmist. Testimise andmõq (20%) hindasõq mudõli häädust. Näütüses: Palga arvaminõ, kui andmin om seen vannus, sugu, elokotus, ettevõtõq, ammõt (näütüses: arhitekt). Tõsõs - käekirä selges tegemine. Juhtmaldaq opminõ om massinopmisõ ülesannõq, kon algoritm ots andmist ehitüst vai kõrraperrä. Andmõq olõ-õi tähüstedüq. Näütüses: andmidõ tsähälikku jaotaminõ - poodikorvi perrä hinnadaq, kas kundõl om latsi? Kas kundõ om miis vai naanõ? Kas kundõ om abielon/paarin? Tuud tiidmist saa pruukiq reklaami jaos.

Meelütüsopminõ om massinopmisõ ülesannõq, kon algoritm kõnõlõs elävä keskkunnagaq ni pruuv joudaq kimmä tsihiniq. Elläv keskkund and positiivsõt vai negatiivsõt vastamõio algoritmi üllenpidämisele. Näutüses: auto juhtminõ vai mängo mängmine.

Kirändüs[toimõndaq | toimõndaq lätteteksti]

Väega hää tutvastegemine om näütüses siin: https://pungas.ee/masinope-mittetehniline-ulevaade (Eesti keelen, Luuja: Taivo Pungas).