Lüllemäe
Lüllemäe om külä Valga maakunnan Valga vallan Karula kihlkunnan.
Aastil 1992–2017 oll' külä Karula valla valitsõmiskeskus.
Lüllemäe om olnuq ka aoluulidsõ Võromaa Karula kihlkunna keskus. Külas asub Karula Maarja kerik.
Edimäne kerik ehitedi külä pääle 1318. aastagal, a tuu häösi Tõsõn ilmasõan 1944. aastagal ja jäi varõmidõs. 1997. aastagal sai valmis vannu, kerigumüürüisi kõrvalõ, kerigumõisa aita ehitet vahtsõnõ kerik. Lüllemäel om ka neli aoluulist kalmuaida.[1]
Lüllemäel om Lüllemäe Põhikuul, raamadukogo, Lüllemäe puut ja restoran Kolm Sõsarat.[2][3]
Lätteq[toimõndaq | toimõndaq lätteteksti]
- ↑ Ajaloopärand. Karula rahvuspargi koduleht. Vaadatud 9.06.2010
- ↑ Lugu Kolm Sõsarat
- ↑ Britt Rosen. "Kolme Sõsara Hõrgutiste uus tulemine Lüllemäel" Postimees, 13. juuni 2020 [1]