Kuudsi ohvrikivi

Kuudsi ohvrikivi om ohvrikivi Harglõ kihlkunnan Kuudsi külän. Kuudsi ohvrikivi om kultuurimälehtüs.

Kivi om 1964. aastagast kaitsõ all.

Päält tasanõ munakujolinõ kivi om maa seen. Kivi mõõdiq põh'a-lõunõ suunan ommaq 140 cm, hummogu-õdagu suunan 95 cm ja ümbremõõt 4,18 m. Põh'apuulnõ ots om veidü korgõmb ja küünüs 25 cm maa seest vällä, lõunõpuulnõ õnnõ 10 cm. Innembä oll' kivi maaga pia tasa, a pääle kaitsõ ala võtmist kaibõti kivi vähäkese maa seest vällä, nii et kivi ümbre tekkü kraavikõnõ. Kivi kesken om kolmnuka muudu tsäbroliidsi servigaq 3 cm sükäv lohk, mink mõõdiq ommaq 30 × 30 cm. Lohk paistus ollõv tegünüq kivi putõs minemisegaq.

Välälingiq

• Pühhipaiku andmõkogo. Kuudsi ohvrikivi. (eesti keelen)
• Kultuurimälehtüisi registri. 13628 Ohvrivivi. (eesti keelen)