Kirss-kuntpuu

Läteq: Wikipedia

Kirss-kuntpuu (vai ka kornõlipuu Cornus mas) om puu vai puhm kuntpuu perrekunnast.

Levik[toimõndaq | toimõndaq lätteteksti]

Kirss-kuntpuu om peri põh'apuulkerä parrastvüüst – Aasia lõunõhummogusast ni Kesk- ja Põh'a-Ameerikast. Luuduslinõ kasvukotus om kuiv segämõts. Kirss-kuntpuud om ka Eestihte sisse tuud. Näütüses kasus taa Tarto botaanigaaian, kon ka häitses ja kand marjo.

Vällänägemine[toimõndaq | toimõndaq lätteteksti]

Häitsvä kirss-kuntpuu

Kirss-kuntpuu või ollaq nii puu ku ka mitmõharolinõ puhm. Taa või kassuq 5-12 miitri korgudsõs. Võrsõq omaq kandilidsõq ni ossaq hallikasrohilist värmi. Kirss-kuntpuu häitses varra keväjä, aprilli keskpaigan. Häitsmeq ommaq väikuq ja kõlladsõq.

Mar'aq[toimõndaq | toimõndaq lätteteksti]

Kirss-kuntpuu mar'aq ehk kornõlimar'aq ommaq süüdäväq ja saavaq valmis ilda sügüse, hariligult rehekuun. Mar'aq ommaq pikligadsõ kujo ja pikligadsõ luusiimnega luuviläq, kaaldvaq 2 grammi ümbre ja ommaq kütselt tummõvereväq, a om olõman ka kõlladsõ-, roosa- ja mustaviläliidsi muudõ. Maik om hapumakõ, parkva ja ummamuudu kõrvalmaitsõga.

Kirss-kuntpuu maŕaq