Kiiova

Läteq: Wikipedia
(Ümbre saadõt artiklist Kiiev)
Kiiova

ukraina keelen Київ


Riik: Ukraina
Suurus: 839 km²
Elänikke: 2 950 906 (2019)

koordinaadiq: 50°27′ N 30°31′ E

Kon Kiiova Ukrainan om


Kiiova vai Kiiov om Ukraina pääliin nink kõgõ suurõmb liin. Tä om Dnepri jõõ veeren Ukraina põh'aosan.

Nimest[toimõndaq | toimõndaq lätteteksti]

Sõna "kii" tähend' vanavinne keelen suurt keppi.

Seto laulõn kutsutas taad liina Kiiova. Tuudmuudu kotussõnimi om ka parlatsõn Meremäe vallan - Kiiova külä. Et küläl ja liinal vaiht tetäq, ommaq setoq liina kotsilõ ütelnüq ka Oosõ-Kiiova. Om üteld ka Kiiov.

Rahvas[toimõndaq | toimõndaq lätteteksti]

2001. aastaga rahvalugõmisõ perrä oll' Kiiova elänikkonnast ukrainlaisi 82,2%, vindläisi 13,1%, juutõ 0,7%, valgõvindläisi 0,6% nink poolakõisi 0,3%.

Aolugu[toimõndaq | toimõndaq lätteteksti]

Kiiova om üts kõgõ vanõmbit liino Hummogu-Õuruupan. Täl om olnuq tähtsä kotus nii Vana-Vinne riigi aoluun ku ukraina rahvusõ kujonõmisõl.

Legendi perrä lõiq liina aastagal 482 veleq Kii, Štšek ja Horiv nink näide sõsar Lõbed. Tuuperäst tähüstediq 1982. aastagal Kiiova 1500. sünnüpäiva. Liin sai nime kõgõ vanõmba vele perrä. Kiiovan ommaq olõman ka Štšekavitsa ja Horevitsa mägi nink Lõbedi jõgi.