Flüügelhorn
Flüügelhorn om vaskpuhkpill. Taa toro om sama pikk ku trompõdi uma. Tuuperäst om ka helüküündümine väega väiku. Flüügelhorn, nigu trompõt, om B-pill (Si-bemoll). Tuu tähendäs, et ilma ventiilidä om võimalik mängiq nooti B, F, B, D, F jne. Noidõ nuutõ vaihõl saa ventiile abiga mängiq kromaatilidsõlt. Flüügelhorn om tõistmuudu ku trompõt tuu poolõst, et toro nakkas varrampa laembas minemä, lätt laembas püsümäldä ja om lõpus trompõdi umast kõvastõ laemb. Tuuperäst om flüügelhornil pall'o pehmemb helü ku trompõtil. Flüügelhorni nimi tulõ s’aksa keelest, kon taa tähendäs siivasarvõ.